СКФО Вопросы развития региона обсудили на международной конференции в Чечне СКФО В Ингушетии начались экспедиции к объектам этнокультурного наследия Актуально Глава КЧР Рашид Темрезов призвал жителей республики внимательно относиться к своему здоровью и своевременно проходить диспансеризацию Актуально В КЧР стартовала вторая смена военно-патриотического лагеря Актуально В КЧР проводится проверка ненадлежащего оказания услуг клиентам косметологического салона Черкесска

АЦЫНХАРА АКЪЫЛЬАКВШВАРА АРЫБАГЪЬУШТI

16.08.2019 284
АЦЫНХАРА АКЪЫЛЬАКВШВАРА АРЫБАГЪЬУШТI
Байрамыкъва Халимат лыхьыз зхъу ареспублика УагIахъа библиотека апны «АуагIахъа азазаъащаква рпны ажвлара адкIылараква рмагIны» хъата йызмаз алачIвара акIвшатI. Ауи ауагIахъа уысквала, ажвлара коммуникацияквала йгьи печатьла КЧР а-Министерстви «ПерсоналСервис» бизнес Квти ргIаджвыквцIарала чкIвыныргIа рэтнокультура фестиваль апкъ йтата йадыргалтI. АлачIвара йалан КЧР авласть органква, аполитика партияква йгьи ажвлара адкIылараква ргIащтийыгIвчва, адиннкъвгагIвчва, аквтанай апхьартаква рынхагIвчва. «Персонал-Сервиз» Квта аъачIвагIагIв УДОДОВА Юлия алачIвара гIахъылтIуата ауагIахъа азазаъаща уысквала абаргвыраква ъагIащтIырхуа, ауат ррыдзрала амальква йъарыквчважвауа анйараква Лагъь КIавкIаз аштаква зымгIва рпынгьи йшадыргалуа лхIватI. АуагIахъа уысквала, ажвлара коммуникацияквала йгьи печатьла КЧР аминистр йзаместитель Хвби Ислам хIышта апны йапшым акультураква тшауацIдрыхра, ауагIахъаква райгвара рыбагъьара магIын ду шазырбауа даквгIашIастI. – АлачIваракIла ауагIахъа азазаъащаква йгIарыцIаркIуа зымгIва угьызрыквчважвушым. Ага ауаса йаъазтынгьи , уахьчIва хIгватра йалкIгIата йыззынахIырхара атахъу ажвлара рыхъазла файда гIалцIуата йгIахIрысабапуаш ашвапхаква ракIвпI. Къарча-Черкес ауагIахъаква асквш 90-ква рагIан йгIарбжьашваз аквыргъвгъвара бзита йыгIдырхитI. ХIмамыр бзазара лахъвгIахъасракIла йптшырныс закIы гьазхIвамызтI. АхIбачва руасаражвра акIвымзарквын, хIыззнарцушыз уыла йгIацIаужьырнысгьи баргвыпI. АлахI йбзирала хIуагIахъаква сквшышвпхьадзарала йрызбжьаз айгвара махъарыхъвара акIын, уахьчIвала амамыр мгIва хIтагылата хIсабиква гIадзынхIыргылитI. ХIара хIыхъазла рахIа йхъададзу хIышта атынчра хIхчарныс акIвпI. Ауи анархарала ажвлара адкIылараквагьи адиннкъвгагIвчвагьи швамайчра ахъазла сшвзыразпI. Ауи йахъазымкIва, йгIанхIыршаз ауагIахъа Совет хвысквша цIуата дахIврала йынхитI. Ауи апны азцIгIарата йхIызгIагылуа зымгIва алхIыргитI. Авластьи ажвлари аргваныта хIацынхара ауагIахъаква разазаъащала акъральыгIва политика абзазара рыцIа майрата йалагIжьырныс хIылнаршитI, – йгIаликIгIатI Хвби Ислам. АлачIвара апны йгIачважватI «Къарачай Алан Халкъ» жвлара организация апредседатель йзаместитель Тоторкулов Шагабан, БаталпашинскI къазакъ жвлара йалу Чапура Николай, Черкесск й-6- хауа аквтанай апхьарта адиректор Клименко Галина, «Адыгэ Хасэ» - Черкесский парламент» жвлара мгIвайсра апредседатель Асланов Али, «Ногай Эл» анагIвайква руагIахъа культура автономия аунашвачпагIв Казаков Валерий, КЧР АуагIа Айззара (а-Парламент) адепутат Михайлович Муратхан, аправослав диннкъвгагIв Афонин Иоанн. Ауат авласть органквагьи, ажвлара йгьи адин адкIылараквагьи, аполитика партияквагьи йацыта йлырхыз ахачIвква амаль амамкIва йащтацауата йдырхъйауа йынхузтын, ауагIахъаква разазаъаща пшдза шрызрыбагъьуш рхIватI. Ауи ахъазла ауагIахъаква райгвара йазынарху асоциальна проектква йыргIаджвыквцIагIву йрыцкIра атахъыпI. Акультура швапха амдараква, чкIвыныргIа ргвбайари рпатриот бжьари рыдынхалра рмагIынгьи швабыжта йдупI. – ХIара й-6–10-хауа аклассква рапхьагIвчва хIрынйалитI. Ауат хIызлабзазауа Россия йгьи Къарча-Черкес р-Конституцияква йрыхахIыргIвазитI, Къарча-Черкес йантыцIрагьи ръадаб шнадмыркъвуаш, руагIахъара шырхъмаштылуаш рахIхIвитI. Жвлара нхарата йакIвхIыршалакIгьи чкIвыныргIа ртшдырра штшщтIнахIрыхуаш, рыбызшви рцIаскви шдымрыдзуаш йырзынахIырхитI. Дырра бзи зму интеллигенция шгIахIыцIагылуаш хIазхъвыцра атахъыпI, – йгIаликIгIатI Тоторкулов Шагабан. «Абаза» жвлара организация аунашвачпагIв йзаместитель Чагва Щорс йшгIаликIгIазла, агород апны ацри бызшваквала йадрыпхьара ахъазла ауагIахъа адкIылараква зымгIва ауи йшащтаныкъваз гIайхIватI. Ауаса ацри бызшва хсахIаткI ахIа азалрымхуата йъарчпахыз дшамрыразуагьи гIаликIгIатI. Ауи абазаква йрымаз ажвлара адкIылараква агIбагьи координация квтакI шгIандыршаз хIуагIахъа уысква рапхъаламгIвайсра швабыжта йшацхърагIауагьи йахайыргIвазатI. Михайлович Муратхан лцри кыт ЭркеншахIари ауи йадзхъу БеломечеткIа станици рбзазагIвчва анцIралагьи анбжьагIвыгIара ду рызбжьата, атгIачваква ацыгIандыршауа йшацгIамгIвайсуа швапхата йгIалгтI. – Ауаса акIвпI йшаъазара атахъугьи. Дасугьи йкультура арахьарат рацкIыс йхIагIата йырпхьадзарныс йгьангIалуам. Йхвыцу хIышта апны рахIа йчкIвыну амцагьи дута йамцIыцIырныс закIы гьазхIвам. Ауи зынгьи йхIхъхIраштылра гьатахъым, –лхIватI адепутат. Афонин Иоанн ауагIахъа азазаъащаква рщаквыргылра жвасквшапхьадзара аквыдзуазтIхIва амхъаквыдзра шмайрадзу гIаликIгIатI. Йауа ухIварыквын, адуней ауацIала йакIвшауа йцIакIу айсраква, атурых ацакIраква ршвхIаусыгIвала Украина, Сирия, датшагьи йтынчым акъральква уахьчIвала раъаща гIбитI. ЧкIвыныргIа йыншауа, йзыншауа, апшIагылраква гIазлыцIуа гIаргвынгIвуа йбжьара амагIны дупI. АлачIвара йалаз хIапхъахьылагьи рацынхара шабгу амамыри агвынгIвыри ажвлара йрылагара йшазындырхуш дрыбагъьатI.
284 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный