Къарча-Черкес тшпсщара йгIайуа ршварагIварадара адгалра йгьи атурист шIыпIаква рпны ахъыхчара нхараква акIвыршара мурадла КЧР-ла
МЧС аунашвахъцIарта
хъада знапIыцIу йхъвдаквцIараква зырхъйауа ГОЛОКОЛЕНКО Александр йгIаджвыквцIарала агвжважвагIва уысквала гвып гIандыршатI.
Ауи йаланакIтI КЧР-ла
МЧС аунашвахъцIарта анхагIвчва, Дзераев Вячеслав йыхьыз зхъу КъарчаЧеркес апшгIагIвчва-хчагIвчва ротряд, МЧС агIвадахь
хъвшара йаланакIуа апшгIагIвчва йгьи акинологква, афедеральна йгьи
ареспублика рхъйара органкви ашIыпIа хъаунашвахъцIартакви рынхагIвчва.
АгвжважвагIва уысквала агвып Архыз, Мостовая поляна йцатI. Абнаква рпны амцаблыраква ншарныс ашварагIварара йъарылахIауа йгIалцIла, йатахъхузтын, йшазыхIазыру дырхъвыхтI.
Ауат адзыгIвква, абнаква
рпны шварагIвара злу
атуризм квпшыраква гIалызхуа рыхъазла ашварагIварадара хабзаквала
айчважвараква адыргалитI, закI гIаншузтын, агвжважвагIва къвырльыкъвхартаква ръачIвагIагIвчва
йызладдырдыруаш амальква йрыхадыргIвазитI.
Къарча, КъарчачкIвын,
Уарп районква йгьи Къарча город округ рпны
агвжважвагIва уысквала
агвып амуниципальна гIаныршараква радминистрацияква рынхагIвчва,
ахабзахчара органква
ргIащтийыгIвчва йгьи абнаквала ахIабльа инспекторква агIашIакIра нхараква ъакIвдыршауа атурист шIыпIаква йрыуапI
Домбай поселок, Теберда город, «Медовые водопады» турист ларпшырта, Пхия поселок,
Махар псыхIва.
– Коронавирус ашIашIкIгIара гIашIакIрала амальква ъагIадырльальаз абзирала Къарча-Черкес атурист шIыпIаква тшпсщара йгIайуа рпхьадзара
йалахIатI. Ауи йгIалцIла
йджьгару атуризм квпшыраква ршвхIаусыгIвала
апхастаква, абна мцаблыраква йгьи адзыгIвква рпны арыцхIагIараква ншарныс шварагIвара аъапI, – йгIаликIгIатI
Голоколенко Александр.
МЧС акъвырльыкъвхагIвчва хIышта атшпсщагIвчва рыцIа йанщарду асабшакви амтшашакви рагIан апрофилактика нхараква рыцIагьи йдрыджьгаритI.
Получайте свежие новости на электронную почту
Комментарии