7 майда Орджоникидзе поселогында Уллы Аталык кавгасында Кавказ кешуьвлерин коршалаган ердеслеримиздинъ сыйына эстелик-музейи реставрацияланган сонъ ашылды. Торжестволы амалламада КЧР Басшысы Рашид Темрезов, Карашай-Шеркеш Республикасынынъ Халк Йыйынынынъ (Парламентининъ) Председатели Александр Иванов, КЧР Правительствосынынъ агзалары, КЧР бойынша ишки ислер министри Казимир Боташев, ямагатшылык организацияларынынъ етекшилери, калалар эм районлар администрацияларынынъ басшылары, яшавшылар катнастылар. Митингти аша келип, Карачаевсктинъ мэри Р.Текеев Кавказ кешуьвлерин коршалавшылардынъ сыйына эстеликти оьмирлендируьв акында ой озган оьмирдинъ алпысыншы йылларында тувган. Музей-эстеликтинъ торжестволы ашылувы 1968 йылдынъ 2 ноябринде болган. Карашай-Шеркеш Республикасынынъ Басшысы Рашид Темрезов кавгадынъ катнасувшыларын, ис эм Савытлы Куьшлердинъ ветеранларын, партизан козгалысларынынъ катнасувшыларын, Карашай-Шеркеш Республикасынынъ яшавшыларын байрам ман – Уллы Енъуьвдинъ куьни мен кутлады. Р.Темрезов «Кавказ кешуьвлерин коршалавшыларга» музей-эстелик Кара денъизге ымтылган явды Кавказ тавларында токтаткан, йигитликти коьрсеткен аьдемлер акында эскеруьв уьшин туьзилгенин эске туьсирди. – 1942 йылдынъ яз шагында бузлыклар эм каялар арасында озган каты согыслар айлак авыр эм кан тоьгисли болдылар. Каты сувык кыс куьнлеринде, 1943 йылдынъ январь айында, уьйкен куьш салувлар эм аьдем курманлыкларынынъ баасы ман кешуьвлер фашистлерден тазаланганлар. Сол согысларда Элимиздинъ юзлеген уллары оьлгенлер, олардынъ атлары аьле де белгисиз болып каладылар. Оьз яшавларынынъ баасы ман Кавказды коршалаганлар акында эстеликти биз сакламага борышлымыз, – деди оьзининъ соьзинде Рашид Темрезов. Ол эстеликти реставрациялавда катнаскан баьри аьдемлерге разылыгын билдирди. Митингтинъ катнасувшылары Уллы Аталык кавгасында янларын берген ердеслеримизди тыныклык такыйка ман эскердилер. Амалламада Уллы Аталык кавгасынынъ ветераны Семен Сергиенко, КЧР Халк Йыйынынынъ (Парламентининъ) депутаты Муратхан Михайлович, «Керуьв Кавказ курортлары» ОАО-сынынъ генераллы директорынынъ орынбасары Сулейман Вагапов эм оьзгелер соьйледилер. Митингтинъ ызында йыйылганлар Оьмирлик оттынъ туьбине веноклар эм шешекейлер салдылар. Мажа саклав Управлениесининъ аьскершилери Уллы Аталык каавгада оьлгенлердинъ сыйына авага уьш кере мылтыктан атув ман салют бердилер. Сонъ КЧР Басшысы эм конаклар музейдинъ ишинде экспозицияды карап шыктылар.
КЧР Басшысынынъ эм Правительствосынынъ пресс-службасы.
7 майда Орджоникидзе поселогында Уллы Аталык кавгасында Кавказ кешуьвлерин коршалаган ердеслеримиздинъ сыйына эстелик-музейи реставрацияланган сонъ ашылды. Торжестволы амалламада КЧР Басшысы Рашид Темрезов, Карашай-Шеркеш Республикасынынъ Халк Йыйынынынъ (Парламентининъ) Председатели Александр Иванов, КЧР Правительствосынынъ агзалары, КЧР бойынша ишки ислер министри Казимир Боташев, ямагатшылык организацияларынынъ етекшилери, калалар эм районлар администрацияларынынъ басшылары, яшавшылар катнастылар. Митингти аша келип, Карачаевсктинъ мэри Р.Текеев Кавказ кешуьвлерин коршалавшылардынъ сыйына эстеликти оьмирлендируьв акында ой озган оьмирдинъ алпысыншы йылларында тувган. Музей-эстеликтинъ торжестволы ашылувы 1968 йылдынъ 2 ноябринде болган. Карашай-Шеркеш Республикасынынъ Басшысы Рашид Темрезов кавгадынъ катнасувшыларын, ис эм Савытлы Куьшлердинъ ветеранларын, партизан козгалысларынынъ катнасувшыларын, Карашай-Шеркеш Республикасынынъ яшавшыларын байрам ман – Уллы Енъуьвдинъ куьни мен кутлады. Р.Темрезов «Кавказ кешуьвлерин коршалавшыларга» музей-эстелик Кара денъизге ымтылган явды Кавказ тавларында токтаткан, йигитликти коьрсеткен аьдемлер акында эскеруьв уьшин туьзилгенин эске туьсирди. – 1942 йылдынъ яз шагында бузлыклар эм каялар арасында озган каты согыслар айлак авыр эм кан тоьгисли болдылар. Каты сувык кыс куьнлеринде, 1943 йылдынъ январь айында, уьйкен куьш салувлар эм аьдем курманлыкларынынъ баасы ман кешуьвлер фашистлерден тазаланганлар. Сол согысларда Элимиздинъ юзлеген уллары оьлгенлер, олардынъ атлары аьле де белгисиз болып каладылар. Оьз яшавларынынъ баасы ман Кавказды коршалаганлар акында эстеликти биз сакламага борышлымыз, – деди оьзининъ соьзинде Рашид Темрезов. Ол эстеликти реставрациялавда катнаскан баьри аьдемлерге разылыгын билдирди. Митингтинъ катнасувшылары Уллы Аталык кавгасында янларын берген ердеслеримизди тыныклык такыйка ман эскердилер. Амалламада Уллы Аталык кавгасынынъ ветераны Семен Сергиенко, КЧР Халк Йыйынынынъ (Парламентининъ) депутаты Муратхан Михайлович, «Керуьв Кавказ курортлары» ОАО-сынынъ генераллы директорынынъ орынбасары Сулейман Вагапов эм оьзгелер соьйледилер. Митингтинъ ызында йыйылганлар Оьмирлик оттынъ туьбине веноклар эм шешекейлер салдылар. Мажа саклав Управлениесининъ аьскершилери Уллы Аталык каавгада оьлгенлердинъ сыйына авага уьш кере мылтыктан атув ман салют бердилер. Сонъ КЧР Басшысы эм конаклар музейдинъ ишинде экспозицияды карап шыктылар. КЧР Басшысынынъ эм Правительствосынынъ пресс-службасы.
Комментарии