АСКВШ 2018 АМШГIВЫРА

ЯНВАРЬ • Къарча-Черкес Республика а-Хъада Темрезов Рашид асквш 2018 акыт йгьи агород штаква раныргIалра йа-Сквшта йщаквйыргылтI. • Россия шабгула йакIвшаз «Декада спорта и здоровья» акция КъарчаЧеркес абзазагIвчвагьи алалтI. • АрчIаджьра йгьи агIаршIыцхра нхараква рымщтахь Уарп район, Преградна станица апны арайон культура Тдзы гIахъыртIыхтI. • Зеленчук станица апны 300-гIв йырзалху асабигIзарта шIыц абзазара йаларжьтI. • Зеленчук район йаланакIуа Къзылоктябрь кыт апны спорткомплекс шIыц гIахъыртIытI. • Къарча-Черкес фачыгIв завод арчIаджьрала йгьи йгIаршIыцхрала йапхъахауа акьазу алдыргатI. ФЕВРАЛЬ • Устьджьгваты район, КрасногорскIа станица апны йгIадыршIыцхыз акультура Тдзы гIахъыртIыхтI. • НагIвай район аквта ЭркеншахIар кыт апны культура Тыдз шIыц абзазара йаларжьтI. • ЭркеншахIар кыт апны тшпсщарта парк андыргIалтI. • «Черкесск – ХIабаз» автомобиль мгIва апны ацхIа шIыц ауыхвара джвыквырцIатI. • Псыжв кыт апны акультура Тыдз шIыц гIахъыртIытI. • ЭльбрусскIа, Хвырзыгв, Къартджьурт йгьи Учкъвлан кытква зланадыркIыз «Карачаевск – Учкулан» газцага апроект рхъйара джвыквырцIатI. • Прикубань район аквта КIавкIазскIа поселок апны акультура Тыдз шIыц гIахъыртIытI. • КЧР а-Хъада Темрезов Рашид йгьи «ЕВРОЦЕМЕНТ групп» адкIылара а-Президент Гальчев Филарет хIышта йаныргIалу «Кавказцемент» агIаршIыцхрала ангIалра мачвы ацIарцIатI. • Къарча район, Хвырзыгв кыт апны акультура Тыдз шIыц гIахъыртIытI. • «Ростелеком» йадырчпалыз ангIалра апкъ йтата Черкесск йачвыхъару жвыхвкыткI рпны Интернет анхара адгалра джвыквылтI. • КъарчачкIвын район, Красна Восток кыт апны «Алашара» спорткомплекс абзазара йаларжьтI. • АрчIаджьра нхараква рымщтахь Устьджьгваты район йаланакIуа Сарытюз кыт апны акультура Тдзы гIахъыртIыхтI. • Кубрань поселок апны апсихиатрическа чымазагIвтара акапитальна рчIаджьра джвыквылтI. • КЧР а-Хъада Темрезов Рашид йунашвала йхыгIвхауа саби дзауыз атгIачва йырзалху ахча цхърагIара рытра джвыквырцIахтI. • ХвгIахвтра, экономика, наука, техника, культура датшагьи анархараквала Къарча-Черкес йгьи Псков область шацынхушла ангIалра мачвы ацIарцIатI. МАРТI • Устьджьгваты апны физкультура-згIвадарарыбагъьара комплекс ауыхвара джвыквырцIатI. • «Формирование комфортной городской среды» проект апкъ йтата асквш 2018 йандыргIалуаш штата хпа гIалырхтI, Къарча-Черкес ауат йрылашватI. • «Земский доктор» программа апкъ йтата акытква рпны йынхуш айъазагIвчва рыхъазла Къарча-Черкес сом мильуан 63,6 азалырхтI. • Черкесск йаныргIалу й-17-хауа Гимназия апхьагIвчвата 400-гIв йырзалху гIашIарчпатI. • ХIабаз район, Малый Зеленчук кыт апны физкультура-згIвадарарыбагъьара комплекс гIахъыртIытI. • Устьджьгваты район, КрасногорскIа станица апны йгIадыршIыцхыз акультура Тдзы гIахъыртIыхтI. АПРЕЛЬ • ХIреспубликала йапхъахауата тып 245 зму саби чымазагIвтара гIахъыртIытI, ауи ахъвшараква 14 йнадзитI. • Ащхъаква рпны йаныргIалу Марыхв йгьи Хасаут-ГреческIа кытква псабара газ рзынадзатI. • КЧР ахIаракьатчагIвчва йрыцкIрала а-Квта апны йхвыцу йгьи аквтанай бизнес тшадызкIылуаш рарыпхьара джвыквылтI. • Черкесск йаныргIалу й-17-хауа Гимназия квадрат метрта 3767 гIазцIазкIуа йгьи хпата йаквгылу тдзы агIашIачпара джвыквырцIатI. • Ареспублика Перинатальна Квта апны диагностика хъвшара гIахъыртIытI. • Къарча-Черкесла йапхъахауата гектар 20 рпны хIа цIлауатра гIандыршатI. МАЙ • А-ГIид агвыргъьахъв йадахIвуата Москва йгIахъыртIыз «Шатер Рамадана» апны Къарча-Черкес йазынарху ахъвлапын акIвдыршатI. • Черкесск, а-Фырква р-Аллея апны айсра агIан зхъа щтIазцIаз йгьи щтадъа йыдзыз рчвахъабага гIахъыртIытI. • Черкесск апны айсыгIвчва-къральгIвынахчагIвчва рчвахъабага гIахъыртIытI. • АйгIайра а-Мш агIан Учкекен апны айсра йаладзыз ркытлагIвчва рхъмаштылра син гIахъыртIытI. • Абнаква ргIащаквыргылхра ахъазла ацIла лацIачIвква ъагIадырйуаш питомник гIаныршарала анхараква джвыквылтI. • Черкесск апны 450- гIвы йырзалху аполиклиника шIыц ауыхварала анхараква адыргалтI. ИЮНЬ • Черкесск апны йапхъахауата «Почта России» ауыжвгIанчIви хъвшара гIахъыртIытI. • Устьджьгваты апны агидроэлектростанция хвыц ауыхвара йалагатI. • КЧР а-Хъада Темрезов Рашид Къарча город йаныргIалу арепрессия йаладзыз рчвахъабага адзхъа адепортация амузей шгIандыршушла унашва йчпатI. • «Черкесск–Домбай–Абхазия амажа» мгIва апны Устьджьгваты районла ахъвы арчIаджьра йалагатI. Йшалу километр 14,3 рпны агIаршIыцхра нхараква акIвшатI. • Зеленчук район, Сторожевая станица апны квадрат метр 5000 рпны тшпсщарта парк андыргIалтI. • Архыз йазцауа А-156 трасса апны 11 километркI йнадзауата амгIва гIадыршIыцтI. • Къарча-Черкесла рахIа йпхатшу «Нарт» стадион агIаршIыцхра джвыквылтI. • КъарчачкIвын район, Терезе кыт апны культура Тыдз шIыц гIахъыртIытI. ИЮЛЬ • «Забота» саби тдзыинтернат апны лифтта хпа андыргIалтI. • Дружба кыт, Комарова урам апны спорт квпшыра щарда йырзалху площадка гIахъыртIытI. • АрахвырхIара атшауацIыхрала акъральыгIва цхърагIара Къарча-Черкес йауу фермерта 27-гIв йырзалырхтI. • Домбай апны, МуссаАчитара бхъвы агьаба йаныргIалу атшпсщартаква рпны адзцагаква раныргIалрала анхараква йрылагатI. • Черкесск, РТИ завод аргван йаныргIалу атшпсщарта парк агIаршIыцхрала щаквыргылра нарахвтI. • Теберда апны саби хъвмарырта гIахъыртIытI. АВГУСТ • КЧР а-Хъада Темрезов Рашид «Машук–2018» айззара йалаз ашIаква Къарча-Черкес Республикала акадрква ррезерв шгIандыршуш рылайхIватI. • «Семья года – 2018» Россия анкъвакъвра йалаз саби зщарду АджиевргIа ртгIачва апхъагылагIвхатI. • Къарча-Черкес йаныргIалу Россия анаукаква р-Академия йазалху астрофизика обсерватория апны йгылу ателескоп агIвыга рпсахтI. СЕНТЯБРЬ • Теберда дзыгIв йхъу ацхIа дырчIаджьтI. • «Культура малой Родины» зхьзу «Единая Россия» партия апроект апкъ йтата Къарча-Черкесла акытква рпны йтагылу 10 культура тдзыкI рыхъазла амузыка, асвет ъамапсымаква рхвгIатI, йапшым афашаква ддрадзатI. • Россия Федерация а-Президент й-Фонд йгIаунащтыз ахчала Зеленчук район аквта чымазагIвтара дырчIаджьтI. • РФ а-Правительства Къарча-Черкес ачымазагIвтаракви апхьартакви рыхъазла автобуста йгьи «ЦхърагIара ласы» автомобильта 30 гIаунащттI. • КЧР АуагIа Айззара апны йгIаныршу «Единая Россия» фракция адепутатква ргIаджвыквцIарала апенсия йапщылу ацхърагIараква шгIаныржьуала щаквыргылра нарахвтI. • Прикубань район, ХолоднородниковскIа кыт апны апхьарта йгьи сабигIзарта зланакIуа арыпхьара Квта гIахъыртIытI. • Къарча-Черкес апны йапхъахауата ахъшвалква йъарыдынхалуаш завод гIахъыртIытI. • Санкт-Петербург апны КЧР а-Хъада Темрезов Рашид ауаъа йапхьауа йгьи йбзазауа хIхаквлагIвчва дрынйатI. • ХIышта йауата Абашта айсра Ду агIан Ленинград агIархвитхра йазгылаз хIхаквлагIвчва рчвахъабага Санкт-Петербург апны йгIахъыртIытI. ОКТЯБРЬ • «Устойчивое развитие сельских территорий» программа апкъ йтата акытква рпны йынхауа ъачIвагIагIвта 28-гIв гIвнабзазарта рзалырхтI. • Къарча-Черкес апны «Аmmann СВ 240» асфальт завод гIахъыртIытI. • «Саби спорт» зхьзу «Единая Россия» апроект апкъ йтата Къарча-Черкесла акытква йаныргIалу 10 спортзалкI дырчIаджьтI. • «Черкесск–Домбай» автомобиль мгIва апны Муруджу дзыгIв йхъу ацхIа рпсахтI. • КЧР а-Хъада Темрезов Рашид йгьи «ЕВРОЦЕМЕНТ групп» аунашвачпагIв Гальчев Филарет ранйара апны Асквш шIыц ахъазла елка, йапшым арыпшдзагаква КЧР ахъазла согIата йшырчпушла йангIалтI. • «Кубань–Индиш» мгIва аргван аминерал дзгIацIцIырта ашта аныргIалрала Къарча районла анхараква джвыквылтI. • Москва йакIвшаз «Адзын хьапщ» форум апны Россия Федерация а-Правительства а-Председатель Медведев Дмитрий Къарча-Черкес Республика агIарбара далан. Ауи ацIыхъвагIарбараквала хIышта йхъаду асогIа гIаквнадыргатI. • «Рея» ООО аинвестиция проект апкъ йтата Къарча-Черкес апны зтлапкъ бзийу жвыта 900 ъаркIуаш хшгIархарджьырта ауыхвара джвыквырцIатI. • Къарча-Черкес Республика йгьи Беларусь Республика рацынхарала ангIалра мачвы ацIарцIатI. • Абашта айсра Ду агIан фырра гIазырбаз айщчва БайтоковргIа рчвахъабага ОрджоникидзевскIа поселок апны йгIахъыртIытI. • КЧР а-Хъада Темрезов Рашид йгьи КъабардБалкъар Республика а-Хъада йхъвдаквцIараква зырхъйауа КIвакIва КIазбек асквш 2019 агIан агIвыштакI йры-Сквшта йщаквзыргылуа ашвъа мачвы ацIарцIатI. • Учкъвлан кыт апны Хвырзыгв дзыгIв йхъыз, адзыр йтнагаз ацхIа гIащаквдыргылхтI. НОЯБРЬ • Ареспублика онкология диспансер адуней джыпхаква йрыквыргIапсу ауыжвгIанчIви тдзы апны йандыргIалтI. • Уарп щхъа-рбайара комбинат ахъшвалква йъарыдынхалуаш гIаныршара йапщылу ауысква «Экология» уагIахъа проект йаларцIатI. • КЧР а-Хъада Темрезов Рашид йгьи Москва йхIаракIу аъачIвагIа гIацIгартаква йапхьауа ашIаква йызкьазуу ранйара акIвшатI. • Арпхартаква рпны ауатралыцкIва ргIархарджьрала йагъьу а-5 штакI Къарча-Черкесгьи аланакIтI. • «Сады Карачаево-Черкесии» инвестиция проект апкъ йтата АдыгьахIабльа районла гектар 60 рпны ачIва цIлауатраква гIандыршатI. • Россия МЧС а-Хъада Пучков Владимир Архыз йаныргIалу МЧС ахчагIвчва ргвып согIата йазалху транспортта 4 гIариттI. • «Парта героя» зхьзу «Единая Россия» партия апроект апкъ йтата апхьартаква рпны чIвартата 180 гIахъыртIытI. • Ставрополь дзыщтра Ду апны ацхIа шIыц ауыхвара джвыквылтI. • КЧР а-Хъада Темрезов Рашид акъарчаква ъатыргаз Къазахстан йгьи Киргизия рпны адепортация йаладзыз рчвахъабагаква ргIахътIрала унашва йчпатI. • «Единая Россия» политика партия гIаншищтара йцIуа а 17 сквша йадахIвуата адепутатква акъральгIвчва йъарынйуш пунктта 133 гIандыршатI. ДЕКАБРЬ • ХIабаз район, Алибердыкъва кыт апны 120-гIв йырзалху сабигIзарта гIахъыртIытI. • «Городская среда» зхьзу «Единая Россия» политика партия апроект йгьи КЧР-ла аштаква раныргIалра а-Сквш рыпкъ йтата пшцIата 140, жвлара тшпсщартати паркти 83 рпны анхараква акIвдыршатI. • Австрия апны КъарчаЧеркес Республика акультура амшква адыргалтI. • «Добро в село» акция апкъ йтата фельдшеракушер пунктта 16 рпны апшцIаква андыргIалтI. • «Спортивный объект России» уагIахъа премия Архыз тшпсщарта йгIаквнадыргатI. • Абаза район йаныргIалыз ахъшвалква рполигон хъгIвахрала анхараква алдыргатI. • Черкесск апны «Ивушка» сабигIзарта тып 60 змазлуш тдзы агIашIачпара йалагатI. • Акъ МухIарбакь йыхьыз зхъу ачеркес театр культурала РФ а-Министерства йаднагалыз анкъвакъвра апны йапхъагылагIвхатI. • Прикубань район аквта КIавкIазскIа поселок апны МВД ахъвшара атыдзталхьа акIвшатI. • Къарча-Черкес апхьартаква автобус шIыцта– 43, ачымазагIвтараква – «ЦхъргIара ласы» машината 18 гIарадзатI.