АШIАКВА РТШАУАЦIЫХРА ЙАЦЫРКIИТIАнхартаква

ДЫРГВЫРГЪЬАТIАсквш 2014 агIан Черкесск город амэр ТАМБИ Руслан атехника ршIыйара йадкIылу агород апхьагIв-чва йаларцхърагIарныс ахча согIаква щаквйыргылтI. Асквш 2015 агIан ауи апш талант злу хвгIвысабичва йапхъахауата асогIаква рырттI. СынчIва асквш агIар-бараквала жвыхвыгIв сабичва Черкесск город амэр йсогIа рквнадыргарныс йгIалырхтI. АпхьагIвчва руа-цIала йагъьу атехник шIаква йрайхIвахIвырныс Чер-кесск город акультура Тдзы йдрайгватI. Черкесск го-род амэр йапхъахауа йзаместитель БАСКАЕВ Алек-сей Тамби Руслан йыхьызла асабиква драйхIвахIвтI.– Черкесск город йгьи хIреспублика рпны талант злу асабиква ъащарду уаргвышхвитI. СынчIва ари йп-щынхауата атехник шIаква йырчIахIхIитI. Зхъа йадын-халуа аршIыйагIвчва хвыцква апхъахьылагьи йрыцхIкI-уаштI, рдахIвраква хIрайгвыргъьуштI. ХIсабиква йры-дынхалуа, дырра цIола рызтуа арыпхьагIвчвагьи швмурадква гIашвдахIвыргIатI, – йхIватI Баскаев Алексей.Ауи дипломипхьадза сом 15-н зыкь ацта асквш агIарбараквала йагъьта йгIалыркIгIаз асабиква йриттI, ауат ран-рабачвагьи Черкесск город амэр йразыра швъала рыхьыз йхIватI. Баскаев Алексей та-лант злу асабиква йрыдынхалуа арыпхьагIвчвагьи артшхъвагаква риттI.