АПШЦIАКВИ АТШПСЩАРТАКВИ АНДЫРГIАЛИТI

«Городская среда» «Единая Россия» партия апроект апкъ йтата сынчIва хIреспублика апны фатар щардала йалу атыдзква рыпшцIаква (56) йгьи ауагIа тшъапсырщауа апаркква (12) андыргIалхьатI. Апроект зылапш йыцIу архъвыхыгIвчва, ахабзалыхыгIвчва, апартия йалу агородква, акытква рпны анхараква шакIвшауа дырхъвыхитI. АрхъвыхыгIвчва абзазагIвчва йрынйитI, рыпшцIаква шандыргIалуала ргвгIанаграква йрыздзыргIвитI, анхараква акIвзыршауа аорганизацияква знIапIыцIу йрачважвитI, аквымшваракви абаргвыракви шдрыдзуашла амальква нарахвитI. Ари проект абзазара йъадзаларжьуа азаман ауацIа хIреспублика апны объект 400 райхIа гIадыршIыцхтI – апаркква, апшцIаква, АпшцIаква раныргIалра йаламгаскIва, йшырчпуш ауаъа йбзазауа йддырдырра, анхараква руысла ргвгIанаграква йрыздзыргIвра атахъыпI. Асквш 2020 апны «Городская среда» проект апкъ йтата анхараква шакIвшаз, апхъахьыла ахачIвква йгьи апшцIаква андыргIалуата йзынйауа абаргвыраква йъарылачважваз айззара йалан КЧР АуагIа Айззара (а-Парламент) адепутат КЪАРДАН Фатима, «Жилье и городская среда» уагIахъа проект акоординатор ГВАНА Игорь, «Народный контроль» партия проект акоординатор ГАНШИН Алексей, «Единая Россия» политика партия КЧР-ла ахъвшара а-Исполком аунашвачпагIв ДЖАМБАЕВ Руслан, «Городская среда» проект ажвлара совет апредседатель Гашокъва Иналь, уыхварали ЖКХ-ли КЧР а-Министерства, Черкесск город амэрия, Къарча, Прикубань, ХIабаз муниципальна районква ргIащтийыгIвчва – АпшцIаква шандыргIалуа ауысла ауагIа хIанрынйара абзазагIвчва ргвы ззыбжу, йзымрыразуа зымгIва гIахIархIвитI. АмакIыраквагьи гIаншитI, ауаса анхараква шакIвшауа ансимшгьи зылапш йыцIу аквымшваракви амыгIвхъгаракви ъацIарымкIуа ахъазла хIырзыразпI. АпшцIаква рпны асаби хъвмарыртаква, аспорт площадкIаква рчпитI, аквчIвартаква дыргылитI. ХIпартия ацхърагIарала йандыргIалуа апшцIаква уырхьымпшрыквын ласы йгвымхахуштI. СквшыкI йнамиуата аквчIвартаква, ахринаква датшагьи ахъвмаргаква анпыртшуа гIаншитI. АбзазагIвчва рыпшцIаква цкьата йынкъвыргарныс, ахъвмарыртаква, аспорт площадкIаква йрайгьдзарнысла тшырзынахIырхитI, – йхIватI Джамбаев Руслан. Айззара йалаз апшцIаква раныргIалрала апроектква анлырхуа архитекторкви адизайнеркви рцхърагIара магIын ду шаму гIархIватI». – Зуыс бзита йыздыруа аъачIвагIагIвчва шIаква апарккви атшпсщартакви раныргIалра йазынхара атахъу гIалыркIгIатI. АуагIа рбзазара агъьчIвра, рыла ъадырпшуаш, тшъапсырщуш рзыгIаныршара мурадла йлырхыз «Городская среда» проект анхара асквш 2030-дза шдрауаш йазхъвыцитI. РФ а-Правительства ауи апш щаквыргылра нанауахвырквын, апхъахьыла ажвасквша руацIа хIреспублика апшцIаква, апаркква, атшпсщартаква зымгIва андыргIалырныс рылшуштI.