СКФО В Кабардино-Балкарии арестован мужчина, забивший до смерти пенсионера СКФО В Моздокском районе прошел межрегиональный фестиваль казачьей песни СКФО В более чем 1,5 тыс организациях Ставрополья планируют внедрить систему QR-мониторинга пандемии СКФО В Чеченской Республике 117 детей-сирот получат до конца года собственное жилье СКФО В Ингушетии открыли два новых детских садика на 440 мест

АПСАХРА ШIЫЦКВА ДРЫКВГIАШIАСТI

29.03.2019 168
АПСАХРА ШIЫЦКВА ДРЫКВГIАШIАСТI
Пенсия Фонд КЧР-ла ахъвшара аунашвачпагIв йзаместитель ТАМБИ Ирина асквш 2018 агIан рынхара агIарбараква йгьи асквш 2019 апны пенсияла йадгалра йырпщылу ауысква дрыквгIашIасуата ажурналистква дгIарынйатI. Апхъапхъа ауи асквш 2019, январь а 1 угIалагата къару назахвыз «О внесении изменений в отдельные законодательные акты Российской Федерации по вопросам назначения и выплаты пенсий» Федеральна хабза йащтагIайыз апсахраква дрыквгIашIастI. – Ахабза йшщаквнаргылызла, ахъачва рпенсия ныбыжь сквш 65, ахIвсса рчIвы сквш 60 йнадзатI, – лхIватI Тамби Ирина. – Апенсия ныбыжь мачI-мачI йгIаладырхIумцара асквш 2028 агIан йгIарбу асквш пхьадзараква хIрызцуштI. СынчIва апсахра йаланакIуаштI асквш 1959 ййыз ачкIвынчва йгьи асквш 1964 йгIадрийыз ахIвсса. Ауат сквш 60 йгьи цымызкI, сквш 55 йгьи цымызкI анырхъыцIра пенсия йцуштI. Ауи йшгIалылкIгIазла, апхъала апшта аныбыжь йнамдзауата пенсия йцарныс хвитнагIа змаз зымгIвагьи рльготква гIащаквхатI. Ауат йрыуапI рызгIвадара йазарархауа уыс зхуз, акъральгIв авиация йалаз, алетчик-рхъвыхыгIвчва, арадиация пхаста йалашваз, ажвлара транспорт нкъвызцуз, хвгIвысабичва зму анчва, рыла йъамбауа ахъазла йныкъвадыкъвахаз йгьи ауат йырхьпшуа датшагьи. Ныкъвадыкъварала апенсияла псахракIгьи гьнымшатI. Нхара рылымшахуата згIва гIазахвыз аныбыжь йапщыламкIва ныкъвадыкъварала гвып йзалырхитI. Ауи акIвымкIвагьи, аныбыжь йнамдзаскIва пенсия йцарныс хвитнагIа зму йгIарылахIатI. Араса гIвысквша атахъыркIвата пенсия йзыцуштI нхара сквшыта 37 зму ахIвсса йгьи сквш 42 йынхаз ахъачва. Сабита хгIвы, пщгIвы зыгIзаз апхIвысква хысквша йгьи пщысквша шатахъыркIву пенсия йцарныс йахвитпI. – Акыт йтымцIуата йбзазауа, акыт млыкврхIара йапщылу аъачIвагIаквала йынхаз рпенсия йгIацылтI, – лхIватI Тамби Ирина. – Къарча-Черкес апны захча йгIацлыз 2200-гIв йнадзитI, ауат сом 1333,55-ла рпенсия йалахIатI. АгIвынзыкьи гIвышвыгIв а-Пенсия Фонд апны йаъу ашвъаквала рахча йалахIатI. АджвырагIв йквнагата, ауаса йахча йгIаламхIата дгIанхазтын, йшвъаква а-Пенсия Фонд йгIадигалра атахъыпI. Йатахъу ашвъаква арат ракIвпI: акыт млыкврхIара апны сквш 30 дшынхаз зырцIабыргуа швъа; акыт дшбзазауала швъа; уахьчIва дшнымхауала швъа. КЧР-ла а-Пенсия Фонд ахъвшара аунашвачпагIв йзаместитель асквшква 2018–2019 рагIан апенсияква риндексациягьи даквгIашIастI. Асквш 2018, январь а 1 угIалагата, асквш 2019 агIан йнымхауа апенсионерква рхъыхчара пенсия 3,7 процентла йгьи 7,05 процентла йгIалахIатI. Апенсия балл сом 87,24 йнадзатI (асквш 2017 агIан сом 78,58). Апенсия йызлалахIауа гьапшым, дасу йпенсия зъару йгIаквхпI. Асквш 2018 апрель йгIашIарышвта асоциальна пенсияква 2,9 процентла йгIарыцылтI (асквш 2017 агIан апенсионер рыцIа ймачIта йгIайтахъхауа гIазтныцIуа ахча йгIаквхта), сынчIва апрель агIангьи 2 проценткI гIалахIуштI. Август агIан, йшцIасхаз апшта, йынхауа рхъыхчара пенсия йгIацылтI. Къарча-Черкес апны йынхауа апенсионерква зыкь 30-гIв раъара йнадзитI. Асквш 2019 ауацIала апенсионер йгIапшцIигауа апенсия дъабзазауа ашта апны йщаквгылу рыцIа ймачIта йгIайтахъхауа гIазтныцIуа ахча ацкIыс йгьайцIазлушым (КЧР апны ауи сом 8846 йнадзитI). Йнымхауа апенсионер йахча сом 8846 йнамдзузтын (апенсия акIвымкIвагьи йгIайыртуа арахьарат ахчаквагьи алата), социальна цхърагIара йзалырхуаштI. ХIреспублика апны ауи апш социальна цхърагIара ззалырхуа йнымхауа апенсионерква 17358-гIв йнадзитI. Йшбергьльу апшта, асквш 2015, январь а 1 угIалагата ныбыжьла апенсия абаллквала йщаквгылитI. Абаллква щардазтын, апенсиягьи бзийызлуштI, ауат рпхьадзара анхартатыгIв анхагIвы йыхъазла йтйыз ахъыхчара алацIачIвква йырпщылапI. Асквш 2019 агIан пенсия йцуш рынхара сквшква 10 йайцIазлара йгьи рбаллква 16,2 ацкIыс ймачIызлара гьатахъым. – Апхъала апшта ужвыгьи пенсия бзи гIапшцIызгара зтахъу йынхаша цIайкIра, «аконверт йтата» йгIапшцIигара гьатахъым, – йгIалылкIгIатI Тамби Ирина. – ПФР асайт «Личный кабинет гражданина» хъвшара апны дзачIвызлакIгьи йпенсия йапщылу ауысква йзыдыруаштI. Йара ауи «Личный кабинет»-ла электронна амальла апенсия квпшыраква зымгIва агвынуыргIвы ауитI. Тамби Ирина шIыцракIгьи даквгIашIастI: асквш 2018, январь а 1 угIалагата зангьи забагьи бергьльым асабиква рыхъазла социальна пенсия щаквдыргылтI. – Ауи йашвхIаусыгIвахаз «йгIакIадрышвыз» асабиква йгьи асаби-йыбаква рхвитнагIала йъацапшымыз акIвпI, – йгIалылкIгIатI ауи. – «ЙгIакIадрышвыз» асабиква ран-раба рхъыдзгIата йъанымыз йгIалцIла пенсия гьырзалрымхуазтI. ХIреспублика апны ауи апш пенсия задзауа асабиква 15-гIв йнадзитI. Тамби Ирина «ан капиталгьи» даквгIашIастI. – Асквш 2018 угIалагата «ан капитал» программа рыцIа тшауацIнахтI, – лхIватI ауи. – ЗхъахIара накъву атгIачва йгIвыджьхауа саби данраура мзигIадза «ан капитал» йауу ахча гIарахв ауитI. Асквш 2018 агIан ауи сом 14723 йнадзун, сынчIва – сом 14754. Ахча зъару асаби рыцIа ймачIта йгIайтахъхауа гIазтныцIуата ашта апны йщаквгылу йгIаквхпI. Ахчаква йшыртахъу йгIадрысабап ауитI. Ауи акIвымкIвагьи, «ан капитал» асабигIзарта йцауа ахвыц хысквша йхъыцIнадзыкIьа йазымпшуата йгIадрысабап ауитI. «Ан капитал» апIатла асквш 2021, декабрь а 1-дза йдраутI. Датшата йухIвушызтын, асертификат гIапшцIугара ахъазла асаби асквш 2021, январь а 31-дза адуней дгIаквылра атахъыпI. Ауаса «ан капитал» асертификат гIарысабапра пIатла гьамам. Асквш 2007 йгIашIарышвта КЧР апны «ан капитал» сертификатта 32521 гIапшцIыргатI, уахьчIвала ауи йауата 19073 гIадрысабапхьатI. «Ан капитал» айхIара йыззынадырхауа агIвнабзазарта аъаща агъьчIвра акIвпI (18381), сертификат 688 асабиква рарыпхьара ахъазла йгIадрысабаптI, ахча зпенсия азкIкIра хъвы йалазжьыз анчва хвгIвы йнадзитI. – Черкесск город, а-Интернет асоциальна сетьква рпны «ан капитал» рхвгIушта, «ан капитал» ахчата «йырзырчпушта» ахабарргагаква гIатарцIитI, – лхIватI Тамби Ирина. – Ауат зымгIва швапачарапI, ауи йгIалцIла анчва тшгIаддыржьара гьатахъым. Ауи апш уыс йалалуа дара анчвагьи ахабза мыгIвхъыргитI, уголовна джьауап ддыркIырныс закIы гьазхIвам. «Ан капитал» йыззынархула акIвмызтын датшата йгIарысабап гьауам. КЧР-ла а-Пенсия Фонд ахъвшара аунашвачпагIв йзаместитель Тамби Ирина аэлектронна цхърагIараквагьи, «йцIакIу анхашаква» йшрабакIуагьи дрыквгIашIастI. А-Пенсия Фонд йазынарху ауысквала азцIгIара зму Черкесск апны «горячая линия» телефон (8782) 22-05-02 йа «азхъацIара телефон» (8782) 22-04-91 гIадрысабап ауитI.
168 просмотров

Читайте также



Комментарии

Написать
Комментарии >
Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный