АПСАБАРА ХЧАРАЛА АУЫСКВА ЙРЫЛАПШТІ

Москва апны апсабара гIалцIыртаквала РФ аминистр КОБЫЛКИН Дмитрий йгьи КъарчаЧеркес а-Хъада ТЕМРЕЗОВ Рашид ранйара акIвшатI. Ауат райчважвара аштаква раныргIалра апкъ йтата хIреспублика аэкология аъаща агъьчIврала нхарата йадыргалуа йазынархан. ХIреспублика а-Хъада зымгIва йрапхъата ахъшвалква разкIкIыртаква шнырххуа, Черкесск апны анышвкъвара йъадынхалуаш йапхъахауа нхарта шыруыхваз, акытква знадзара хIагIу дзы драдзарала амальква шнарахвуа аминистр дахайыргIвазатI. Зырхъйара баргву ауысква «Экология» уагIахъа проект йаларцIарныс ажванахъа гIайгуата, аэкология йазарархауата Уарп щхъарбайара комбинат йазнакIкIыз ахъшвалква ыквчIвакьра шатахъу гIаликIгIатI. Кобылкин Дмитрий хIреспублика а-Хъада йтшазынархараква йрыцикIтI. Ауат апсабара гIалцIыртаквала а-Министерства аъачIвагIагIвчва анадынхалра йазалху афедеральна программакви апроекткви йрыларцIуштI. „ Апсабара гІалцІыртаквали экологияли РФ аминистр йзаместитель АМИРХАНОВ Амирхан йакІвйыршаз авидеоконференция йалан КЧР а-Правительства а-Председатель УАЗ Аслан, амлыкв йгьи адгьыл азазаъащаквала аминистр йхъвдаквцІараква зырхъйауа БУГАЕВ Дмитрий, апсабара йгьи адзгІалцІыртаква рхчарала а-УнашвахъцІарта знапІыцІу йзаместитель ЛЯШОВА Валентина. АлачІвара апны Къарча-Черкес йазынарху ауысквагьи гІащтIырхтІ. ЙалкІгІата Уарп щхъа-рбайара комплекс ахъшвалкви хІреспублика ауацІала йаныргІалу хнышвкъваракІапсартакІи ррыдзрала анхараква «Экология» уагІахъа проект йалацІара шатахъу йаквгІашІастІ.