КЧР а-Хъада ТЕМРЕЗОВ Рашид йхъвдаквцIарала пша ацIата йгIайыз аквашуа зарар знарадзаз АлбыргIан кыт
апны ацIыхъватшараква
дрыдзхитI.
Май а 8 АлбыргIан
апны аквашуа йгIалцIла
хвтдзыкI дзы рнашылтI, амгIваква тнагатI. Абаза район администрация ахъада НЫР МухIаджьыр
дзунашвачпагIву арайон
администрация агвжважвагIва аъащала йгьи амца шварагIварадарала акомиссия алачIвара амщтахь рылдзгIараква щаквдыргылра ахъазла зарар
задзаз аунагIваква йгIархъыкIвшатI. Акомиссия
дрыцын акъральгIв хъахчарала, агвжважвагIва аъащаква ргIашIакIрала йгьи
амца шварагIварадарала
КЧР-ла а-Унашвачпарта
знапIыцIу АЛБОТОВ Роберт. КЧР а-Хъада йщаквыргылрала цхърагIара
ддрадзара ахъазла йазалху акъвырльыкъвхартаквагьи АлбыргIан йаъан.
Акомиссия йшщаквнаргылызла, асоциальна
нхартаква, аэлектро, агаз
йгьи адзцагаква зарар
гьырмадзатI. Апсабара
пхаста ацIыхъватшараква
дрыдзхра ахъазла техниката агIба, акъральгIв хъахчарала, агвжважвагIва
аъащаква ргIашIакIрала
йгьи амца шварагIварадарала КЧР-ла а-Унашвачпарта акъвырльыкъвхагIвчва, арайон йгьи акыт
радминистрацияква рынхагIвчва, акыт абзазагIвчва ркъару гIадрысабаптI.
Араса АлбыргIан апны
агIшIунакI адзы тырххьатI, пшцIата 39 адзыр
йгIанагыз ахIвынчIвы, нышвкъварата тонн 212 тыргахьатI, амгIваква дрыцкьатI,
ауат ргIвынаква амашаква ржытI. Апхаста ацIыхъватшараква ррыдзхра
ужвыгьи йадынхалитI, унагIва 30 рыпшцIаква адзы
тагылтI.
Получайте свежие новости на электронную почту
Комментарии