АН ЛЫМШ ДЫРТЛАПIАТІ

Ан лацкІыс агІвычІвгІвыс йзаргвану дгьаъам. Ауи йанакІвызлакІгьи лгІари йтахъыраква лдыритІ, лпхарала дкІвлыршитІ, йанатахъу цІагылагІвта, кьангьашагІвта дизалитІ. «Мама – это значит жизнь» ахьызта АдыгьахІабльа район библиотека апны литература-музыка хъвлапны акІвдыршатІ. Ауи йадахІвуата гІарбара джьащахъвагьи адыргалтІ, зыхьыз бергьльу аршІыйагІвчва йыргІвыз асуратква асабиква рыхадыргІвазатІ. АдыгьахІабльа кыт апычІв апхьарта апхьагІвчва йазычпата ан йылзынарху ауысаква йгІарыпхьатІ, ашва гвахъваква рхІватІ. Арайон акультура Тдзы артистквагьи ан лы-Мш йазынархата йдучвам концерт гІадырбатІ. Ахъвлапын аурала авикторинаква, ахъвмарща пшдзаква акІвдыршатІ. Ан йылзынархаз агвыргъьахъв йагвныргІвыта йадыргалтІ, ауи йалаз замгІвагьи пхаракІ, йчІыдахъву лахІваракІ гІарыланацІатІ.