Актуально Глава КЧР Рашид Темрезов призвал жителей региона в онлайн формате проголосовать за территорию для благоустройства в 2025 год Актуально Глава КЧР Рашид Темрезов и министр труда и соцразвития региона Динара Камурзаева обсудили ход реализации мероприятий в рамках Года семьи Актуально Открытый турнир СКГА по скалолазанию «Кубок ректора» прошел в КЧР Актуально Федеральные трассы КЧР готовят к выходу из зимнего периода Актуально Садоводческие домовладения Карачаево-Черкесии могут стать участниками программы социальной газификации

АКЫТ АБЗАЗАГIВЧВА ДЫРГВЫРГЪЬАТI

22.08.2019 146
АКЫТ АБЗАЗАГIВЧВА ДЫРГВЫРГЪЬАТI
Прикубань район йаланакIуа ИльичевскIа кыт апны йапхъахауата культура Тдзы гIахъыртIытI. Ауи акыт штаква ртшауацIыхра йазалху апрограмма апкъ йтата йыруыхватI. Акультура Тдзы ангIахъыртIуаз йакIвшаз айззара йалан КЧР а-Хъада ТЕМРЕЗОВ Рашид, КЧР АуагIа Айззара (а-Парламент) а-Председатель ИВАНОВ Александр, адепутатква, уыхварали ЖКХ-ли КЧР аминистр ГОРДИЕНКО Евгений, культурала КЧР аминистр БАРОКЪВА Рамазан, акыт абзазагIвчва. Асасчва акультура нхарта ауацIа шандыргIалыз ддырбатI. Агвыргъьахъвква ъакIвдыршуш азал чIварта 250 аныргIалпI, библиотека, асабиква гIахIвра, суратгIвра, дзахра йъарзырбжьуш апещква хIазырпI. – УахьчIва йгIахъхIтIуа акультура Тдзы ауыхвара йацхърагIаз сшвзыразпI. ЙалкIгIата, акыт абзазагIвчва чхIара гIашвырбауата абаргвыраква ррыдзра швъазгылу гвышхвара гIауыланацIитI. Йауа ухIварыквын, уахьчIвала акыт атшауацIыхрала ахачIвква щардапI, швари хIари тшадхIкIылта ауат шхIырхъйуш хIазхъвыцуаштI. Щарда йнамихуата асабигIзарта ауыхварагьи джвыквылуаштI. Арайон ахъади сари апхьарта йыцIамылс рыхъазла арыпхьара нхартагьи гIаныршара шатахъу хIалачважватI. ХIреспублика акытква ртшауацIыхра, ауагIа рбзазара агъьчIвра апхъахьылагьи хIазынхуштI, – йгIаликIгIатI Темрезов Рашид. КЧР а-Хъада йшихIвазла, йцIыхъвахауа агIвысквша руацIа хIреспублика апны культура тдзыта гIважва райхIа рышвква ртIытI. – Акытква рпны асабиква ртшауацIыхра хIазхъвыцуата акультура, арыпхьара нхартаква, атшыбжьартаква гIанхIыршитI, – йхIватI Темрезов Рашид. ИльичевскIа кыт абзазагIв Баиев Исмаил акультура Тдзы сквшщарда цIуата йшазпшуаз гIаликIгIатI. Ауи йшихIвазла, анхарта шIыц йгIадзынгылуа асабиквагьи, ршIыйара злу ахIбачвагьи ртшауацIыхра йацхъругIуштI. – ХIкыт апны зынгьи йаъамыз культура Тдзы ауыхвара згIаджвыквцIару дугьи хвыцгьи хIзыргвыргъьаз уыс ду рчпатI, – йгIаликIгIатI Баиев Исмаил. Ари атшын акультура Тдзы агIахътIра йазынархата концертгьи акIвшатI. ИльичевскIа кыт апны культура Тдзы уыхварала анхараква асквш 2018 апхын агIан йджвыквырцIатI. Ак ульт ура нхарта сквшыкIла йыруыхватI. Асквш 2024-дза «Культурная среда» уагIахъа проект апкъ йтата Прикубань район апны ужвыгьи жвкультура ТдзыкI гIахъыртIуаштI. Асквш 2019 апны Счастлива (Прикубань район), Каменномост (Къарча район), АлбыргIан (Абаза район), АдильхIалкъ (НагIвай район), Бесленей (ХIабаз район) кытква, Сторожевая станица (Зеленчук район) рпны акультура тыдзква руыхвитI. Курджинова (Уарп район) йгьи Учкекен (КъарчачкIвын район) кытква ркультура тыдзквагьи капитальна рчIаджьра ддрадзуштI.
146 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный