СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

АКЪРАЛЬЫГIВА РХЪВЫХРАКВА ГIАРГВАНХИТI

22.03.2019 258
АКЪРАЛЬЫГIВА РХЪВЫХРАКВА ГIАРГВАНХИТI
Россия ауацIала аквтанай апхьартаква, агимназияква, алицейква зымгIва рпынгьи ЙазакIу акъральыгIва рхъвыхраква ркIуа йанца асквш 2009 йгIашIарышвта ауагIа ауи йшазаъу гьацапшым. АйхIарагIв апхьагIвчва дырра цIола рымамкIва дрыбагъьитI, щардагIвгьи ауи архъвыхра гIарбараквала рсабиква хъгалра зму акъральыгIва ъачIвагIа гIацIгарта хIаракIква йрыцIалырныс лшара ъарнатуа йарыразитI. Арат амшква хIъаныз Къарапагва кыт арыпхьара Квта апны сынчIва й-11-хауа класс гьрымам. ТшыззынахIырхаз апхьарта адиректор арыпхьара уысквала лзаместитель КIЬЫЩМАХВА Ирина Рамед йпхIа хIшахалыргIвазазла, цIыпх й-11-хауа акласс хвгIвы ыцIырщттI. АхвыгIвгьи бзита йгIалган, йыртахъыз аъачIвагIа гIацIгартаква рпны дахIврала йапхьитI. МЫКВА Азамат – хIреспублика амедицина колледж, КIВРАЩЫН Рустам – Краснодар къральыгIва колледж, КЪВАПСЫРГЬАН АхIмад – Ростов къральыгIва экономика университет, КIЬЫЩМАХВА Катйа Пятигорск къральыгIва университет, ХIАРАТОКЪВА Бэлла – Ставрополь медицина колледж йрыцIалтI. – АхвыгIвгьи заджвы йапшымкIва швабыжта саби бзита, йгвыбзыгъата хIгвы йгIатахатI. Йапхъахауа акласс угIалагата «хвбала» йапхьаз КIьыщмахва Катйа апхьарта хьапщ медальла дгIалгатI. Абзазара апны йызтахъу здыруа ари апхIвыспа заман чIыда лымрыдзуата апхьарала тшылрыгIапсатI. ЙазакIу акъральыгIва рхъвыхра злалкIырныс йгIалылхыз историялагьи ангьльыз бызшвалагьи рахIа йхIагIу абаллква гIалгтI. АчкIвынчва математикала базова рхъвыхра йахъазымкIва профильнагьи бзита йыркIытI. ХIаратокъва Бэла йызлалкIыз биология йгьи химия предметквала лдырраква шцIолу гIалырцIабыргтI. АпхьагIвчва йырхъазымкIва арыпхьагIвчвагьи тшдрыгIапсатI, апхьара сахIатква рымщтахьлагьи кIьыдата дасу йгIалихыз апредметквала бзита йрыдынхалтI. Абар ужвы йадрыпхьаз асабиква дасугьи йъацIалыз апны рыхьыз пшдзата йырхIвитIта хIаргьи хIайгвыргъьитI, хIгIапсара ъадымрыдзыз хIарыразитI, – лхIвитI КIьыщмахва Ирина. Ауи йшгIалылкIгIазла, сынчIва й-11-хауа класс гьрымамхIва, агвтынчра йгьахадзум, йауа ухIварыквын, й-9-хауа акласс йгIалгуш йхъаду акъральыгIва рхъвыхра (ОГЭ) йазрыхIазырра апхьара сквш шIыц шджвыквырцIахуаз угIалагата джьгарта йалапI. Ауи архъвыхра ужвыгьи ашIыцраква гIалалтI. Ужвы йшаъула, собеседование йахъыста зачет гIазгыз йакIвпI акъральыгIва рхъвыхра йаларжьуаш. Ауи шакIвшауа адиктофон йанырцIитIта Москва, арыпхьарала РФ а-Министерства йддрадзахитI. – Февраль а 13 йдхIыркIыз ауи азачет зымгIвагьи дахIврала йахъыстI, йгIарнатуаз ахварианткIгьи майрата йдырхъйатI. АзакIыла дасу йгIайыквшваз асурат йгIахънатIуа йгIаквчважвара атахъын, агIвба рпны атгIачва, аспорт, атшпсщара – ауасамцара йапшым атемаква тшауацIдрыхра шырзалшауа хIырхъвыхуан. Арат ахачIвква шдырхъйаз хIазыразта йанхIцIаз ргIачважвараква арыпхьарала Абаза район а-УнашвахъцIарта Интернетла йырнапIыцIахIыршвахтI, ауатгьи Москва йауырщттI. МартI а 15 – 22 руацIа апробна рхъвыхраква дхIыркIуаштI. Ауи апшымца асквш ауацIа йапшым архъвыхраква акIвшитI, ауи йахъазымкIва «контрольные срезы» адыгIгалитI. Архъвыхраква йрызхIрыхIазыруата апхьагIвчва рдырраква хIрыбагъьауа йахъазымкIва ашвъаква рагвныргIврагьи йазнабжьитI. КИМ бланкква йшыртагIвуаш, хачIвыта йгIарыртыз йшадынхалуаш днардыритI. АпхьагIвчва апхъа апшта йыгьшвахуам. Дасу архъвыхра аникIуаш амш, йызлайкIуаш апредмет йдыритI, ауат ахабарква акласс унашвачпагIв йылрыхIазырын, ашвъабгъьы йаныта йщтIапI. АкъральыгIва рхъвыхра ауысла йыззыбжу ахабарква зну стенд абльын йкIыдпI. Арат амальква зымгIва арыпхьара шIыцрата йгIалалуа йшацхърагIауа йагIарбагапI Къарапагва кыт апхьарта йгIалгауа чкIвыныргIа зджьарагьи йыцIамылуата йшгIанымхауа. Ауи арыпхьагIвчвагьи дара апхьагIвчвагьи йыргIатгарапI.
258 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный