Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

АКЪРАЛЬЛА ЙГIАГIВЫЗ ЩАРДАГIВЫПI

14.08.2020 136
АКЪРАЛЬЛА ЙГIАГIВЫЗ ЩАРДАГIВЫПI
Россияла йакIвшауа «ЗаБег.РФ» полумарафон гIагIвра бзи йызбауа ауагIа адызкIылуа спорт гвыргъьахъвта йадыргаллитI. СынчIва ауи хIреспублика аспортсменква Черкесск город «ДзыгIвбжьа ЙачIва» культуратшпсщара парк апны йджвыквылтI. Агвып йрыцыркIырныс йгIадгылтI физкультурали спортли КЧР аминистр УЗДЕНОВ Рашид, ауи йзаместитель АГЫР Мурат, Черкесск город амэр йзаместитель ИЕНСЕНДАНИЛЬЧУК Елена, Олимп хъвмарраква рпны джьаз медаль гIазквнадыргаз ХРАЧА Мурат, КЧР АуагIа Айззара (а-Парламент) адепутатква, а-Правительства анхагIвчва. Август а 2 ащымта аква шгIаквузгьи уагIата швкIгIвы райхIа йгIагIвырныс йхIазырын. РыцIа дайцIбата агвып йрылаз цысквша дыртапI, зымгIва йрахIбу сквш 49 йхъыцIитI. Узденов Рашид «ЗаБег.РФ» полумарафон Россияла уагIата зкьгIвы райхIа шаднакIылыз гIаликIгIатI йгьи КЧР а-Хъада ТЕМРЕЗОВ Рашид йтшазынархара дгIапхьатI. «ХIкъраль аштаква рпны ахIбачвагьи чкIвыныргIагьи адыркIылра, йызгIваду абзазара йалата тшауацIызхуа рпхьадзара йалархIара мурадла йакIвдыршауа аспорт айззара хIреспублика абзазагIвчвагьи йацыркIтI. Акъыльаквшвара, айгвара пха зызбжьу КъарчаЧеркес ауагIахъаква ргIащтийыгIвчва йъакIвызлакIгьи чхIара, къару шрыму гIадырбалитI. ХIара ауат тшъарбжьуш аспорт объектква гIанхIыршауата нхара ду акIвхIыршитI. ХIреспублика, хIкъраль абзазагIвчва адызкIылуаш аспорт айззараква апхъахьылагьи йщардазтI», – йаныпI Темрезов Рашид йтшазынархара. Иенсен-Д анильчу к Елена Черкесск город амэр Баскаев Алексей йыхьызла йгIайззаз тшырзыналырхатI. – УахьчIва «ЗаБег.РФ» полумарафон хIкъраль асубъектква зымгIва рпны йакIвшитI. Ква шгIаквауагьи швампщуата араъа швъагIайыз сшвзыразпI, згIвадара багъьа швымата швмурадква гIашвдахIвыргIатI, – лхIватI ауи. АгIачважвараква рымщтахь Олимп хъвмарраква рпны джьаз медаль гIазквнадыргаз Храча Мурат агIагIвра джвыквижьтI. АчкIвынчви ахIвсси «Нарт» стадион йтыцIын, «Лукоморье» парк, адзтагыларта йгIархъыкIвшатI. Айззара адгалагIвчва йлырхыз амгIвала аспортсменква километркI, хвкилометркI, жвакилометркI йгьи километр 21 йгIагIвтI. Ауи атшын йдыртлапIуз агвыргъьахъв айха мгIва анхагIвы йы-Мш йазынархата чIвырхъа 1520-ла агIагIврагьи адыргалтI. АгIагIвра йалаз Черкесск город апхьартаква ргIащтийыгIвчва аспорт айззара пхатша йацыркIырныс йъагIадрайгваз ргвапахатI йгьи ауи шадыргалыз ргвапхатI. АгIагIвра йалаз Черкесск город йгIвбахауа апхьарта йпщбахауа акласс йгIалгаз, волейбол бзита йасуа АБИДОКЪВА Снежана агородлагьи ареспубликалагьи йакIвшауа аспорт анкъвакъвраква дрылаллитI. – Агвып срылата сыгIвырныс, топ сасырныс бзи йызбитI. УахьчIва аква шгIаквауагьи сыгIвзачви сари хIабаргвышхвауа хIгIагIвтI, – лхIвитI Снежана. Аспорт бзи йызбауа асабиква ранчва йа рабачва рыцта ари агIагIвра йшалазгьи хIвара атахъыпI. Абидокъва Снежана лан Люсана длыцта акIвпI йшгIагIвыз. Ани апхIи рапшта айззара йацызкIыз атгIачваква ъамачIмыз уаргвышхвитI. Физкультурали спортли КЧР аминистр йзаместитель Агыр Мурат сынчIва йпщынхауата йакIвшаз «ЗаБег.РФ» Россия аполумарафон йалаз драйхIвахIвтI, апхъагылагIвчва амедалькви ачвахъабага согIакви риттI.
136 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный