АуацIа уысквала КЧР аминистр МЕЛЬНИЧЕНКО
Александр Устьджьгваты апны аполиция ахIабльа пунктква ъаныргIалу
даъан. Аминистр акабинетква шдырчIаджьуа, компьютер техникала йшадгалу, йгIвнагылу дырпшытI. Ауи амщтахь Россия МВД Устьджьгваты
районла ахъвшара апны ахIабльа инспекторква рынхара шадыргалуа
тшахайыргIвазатI. Аминистр ауи ахъвшара аунашвачпагIв БАДАХОВ
Марат дйыцта акъвырльыкъвхара ахъазла алаква ъаркIуа даъан, ачIапщара хъвшара шынхауа
йгьи абджьар шщтIадрызлауа дырхъвыхтI.
Мельниченко Александр административна
уысла йыркIуа йырзалху
акамера апны йтачIваз
драчважватI. Ауи йхъатала йнапIтыпквала агIвычIвгIвыс дзачIву щаквзыргылуа аргIапсга шынхауа
йырхъвыхтI.
Ауатква рымщтахь аминистр Россия МВД Устьджьгваты районла ахъвшара акъвырльыкъвхарта анхагIвчва дрынйатI
йгьи рхачIв хъадаква
дрыквгIашIасуата чвгьахара нзыршаз ахIаквым
дацIцIра шатахъым гIаликIгIатI.
Мельниченко Александр ауи атшын арайон
полиция анхагIвчва зланхуш автомобиль шIыцква
рцIапхаква риттI, зчынла
йхъалыз акъвырльыкъвхагIвчва драйхIвахIвуата
адаматетл шIыцква рнапIыцIайцIатI.
Мельниченко Александр йгьи Бадахов Марат зкъвырльыкъвхара
борч зырхъйауата зхъа
щтIазцIаз Устьджьгваты
районла ауацIа уысквала аорганква рынхагIвчва рчвахъабага апны
ахIврапшдзаква щтIарцIатI.
Получайте свежие новости на электронную почту
Комментарии