СКФО Северный Кавказ возглавил рейтинг самых спортивных регионов страны Актуально КЧР осудили на 6 лет автомеханика из Краснодарского края за мошенничество  СКФО   В Северной Осетии очищают реку Терек СКФО В КБР состоится молодежный слет «Мосты дружбы» Актуально 6 молодых ученых региона получили гранты Главы КЧР в 2023 году

АХШГІАРХАРДЖЬЫРТА ТШАУАЦІНАХИТІ

28.01.2019 332
АХШГІАРХАРДЖЬЫРТА ТШАУАЦІНАХИТІ
ХIреспублика апны ахшгIархарджьра йазынархата абзазара йаларжьуа «Рея» ООО инвестиция проект апкъ йтата Хъвыжвду кыт апны уыжвгIанчIви рахврхIарта ферма руыхватI. ЙагIвсыз асквш ноябрь агIан Дания йгIатыргаз «голштин» тлапкъ йауу жвыта 470 ауаъа йандыргIалтI, сынчIва 442 атагIаргхтI. Апроект апны йгIарбу анхараква инвестиция ахчата сом мильуан 600 рзалырхитI. Ауи азбжа ауыс згIаджвыквцIару «Сатурн» фермер млыкврхIарта йгIаунащтыз ахчапI, арахьари льготла йгIапшцIыргаз кредитпI. Апроект «Дзын хьапщ – 2017» кытмлыкврхIара гIарбара апны йаквчважватI, акъральыгIва власть органква ауи йацыркIтI. «Рея» ООО инвестиция проект абзазара йаларжьуата ауыхвара нхараква асквш 2018 февраль агIан йджвыквылтI. АрахврхIарта ферма заман айшысла йдрыхIазыртI йгьи йапхъахауа ажвква цIыпх ноябрь агIан ауаъа йтаржьтI. Аферма сом мильуан 120 ахв техника адыргалтI. АжвтакIыртаква рпны арпхагаква нхитI, йаншуарахара йызрыхьуа аргIапсгаква ашIадрышвитI. Жвыта 52 кьазукIла йъархьуш руыхватI. Ауаъа автоматикала йынхауа ажвхьагаква гIадрысабапитI. ЦIыпх йгIаргыз ажвква йгIархъшахъыцIыз ахIвысква ъаркIуа, йъадырчауа фермагьи гIандыршатI. СынчIва агъны хIвыс гIазрийыз жвыкI мшкIы апны хшыта литр 30 гIамцIитI. Ауаъа йазыркIкIуа ахш январь йгIашIарышвта «Сатурн» фирма ахшгIархарджьырта апны йпшцIырщтитI. АдыгьахIабльа район аветеринарква арахв рызгIвадара ансимшгьи йдырхъвыхитI. «Рея» ООО проект аунашвачпагIв Штундер Сергей йшихIвазла, арахврхIарта комплекс рахвфачIвы ъагIадырхарджьуагьи алачпапI. Аферма апны чва ъащтIарцIауа, силос ъатарцIауа ашIунаква аныргIалпI. – Араъа арахв йддрыфуа напIыла йгьатдрыпум, йгьадынхалуам. ЗымгIва атехника йачпитI. Компьютер злачпу атехника тлапIата йхIхвгIазтынгьи жвагIвы напIыла йырчпуш ауи йархъйитI. Ауи заджвы йынйырхитI, ацех апны йдрыхIазыруа афачIвы атнарыпитI, аферма йтанагитI, арахв йырфуш танапситI. Ауи апш техника хIкъральла йызму мачIсачIпI, – йхIвитI Штундер Сергей. «Сатурн» фирма архъйагIв директор Аубакь МухIаб йшгIаликIгIазла, Дания йгIатыргаз ажвква хшы бзита йъагIарымцIуа йгIалцIла, «голштин» тлапкъ йауу рахвы рхвгIатI. – ЦIыпх ноябрь йгIаргыз ажвква аферма шIыц йащцатI, ауат бзита йшахъшахъыцIуаш, хшы шгIарымцIуаш апшта, знадзара хIагIу рахвфачIвы ддрыфитI, йъатакIу цкьапI, йлашарапI, агъныла йпхапI, апхынла йыгьшуаразлушым. АгIвангьи Дания йгIатыргата йгIаргыз арахв 26 гIарылахIахьатI, ахIвысква зырчауа ахIвсса руыс гвыхътIыла йдырхъйитI. Аферма апны рахвыта 1200 узыкIуашта йдыргIапстI. УахьчIвала йырхьауа ажвква мшкIы апны 8 тоннкI айхIа гIарнатитI. Июньдза ахшгIархарджьра йалахIушта йаквхIырпшитI. Апхын угIалагата мшкIы апны хшыта тонн 26 рзазкIкIуашта хIгвыгъитI, – йхIватI Аубакь МухIаб. Зтлапкъ бзийу ажвква ъаркIуа арахврхIарта ферма шIыц апны уагIата 50-гIвы нхитI. Ауаъа ахъвыжвква йырхъазымкIва, ЭрсакIон кыт йгIатыцIуа ачкIвынчвагьи ахIвссагьи арахв йырхьпшитI. Аферма ауацIа ауи аъара йцкьапIта, халат шкIвокIва, резина амгIа рышвамкIва йыгьтаржьуам. ЙгIалкIгIара атахъыпI, аферма ъандыргIалыз ашта апхъалагьи рахврхIартата йшгIадрысабапуаз, ауи «Сатурн» фирма йахъатачIвыран. Ауи апш рахврхIарта комплекс гIальамат гIанзыршаз «Сатурн» фирма аунашвачпагIвчва сквшщарда цIуата йгIацIырщтуа ахшлыцIква, ахырчIв хъагIаква ргIархарджьра тшауацIнадрыхуата, зтлапкъ бзийу арахв ахъшахъырщтуата акIвпI ферма шIыц зырчпаз, жвбзи зырхвгIаз. СквшквакIла арахв ахъшахъыцIуа йалагарквын, хIреспублика арахьарат амлыкврхIартаквагьи «голштин» тлапкъ йауу ажвчIвысква, ачвчIвысква хъара йымцауата йдырхIалуштI. Ауаса анхараква аквшварыквын, «Сатурн» фирма зтлапкъ бзийу рахвы зырхIауа хIкъраль амлыкврхIартаква йрыларпхьадзарныс ауаштI. 
332 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный