АХЧА ЙЫЛТРА ЛМУРАДЫН

МедногорскIа поселок абзазагІв йылзынархата РФ а-Уголовна хабза агІвстатьякІ рыпкъ йтата уголовна уыс гІахъыртІытІ. АкъральгІв А. Уарп район асуд приставква рхъвшара апны йынхауа асуд пристав-рхъйагІвы псарчІвы зкву диъахІльыта лхІван, тшизыналырхатІ. ПсарчІвы зкву «Россельхозбанк» йхътІу акционер жвлара апны кредитта сом зыкь 290 гІайахвын, йгьишвахуам. АпхІвыс асуд пристав-рхъйагІвы псарчІвы зкву йзынарху архъйара уыс хъигІвахырныс, ауи ахъазла ахча йылтуашта йалхІвтІ. Асуд пристав-рхъйагІвы КЧР-ла МВД аэкономика хабзамыгІвхъгараква йрабакІуа йгьи акоррупция гІашІазкІуа а-Унашвачпарта, КЧР-ла асуд приставква р-Унашвачпарта акоррупция гІашІакІрала ахъвшара тшырзынайырхатІ. АпхІвыс асуд приставрхъйагІвы ахча йылтра шылмурадызла протокол ргІвытІ. Ауи йылзынархата уголовна уыс гІахъыртІытІ.