Актуально В КЧР открылся самый высокогорный ФОК Актуально Глава КЧР Рашид Темрезов в Учкулане поприветствовал участников конного перехода, проходившего в честь Дня Победы и Дня возрождения карачаевского народа Актуально Республиканская весенняя ярмарка проходит в столице КЧР Актуально В КЧР прошла конференция к 90-летию Юрия Калмыкова с участием делегации из Турции Актуально В столице КЧР подвели итоги и наградили отличившихся участников месяца патриотической, спортивной и оборонно-массовой работы

АХАБЗАКВА ШДЫРХЪЙАУА ЙАХЪПШЫЛИТI

20.01.2022 157
АХАБЗАКВА ШДЫРХЪЙАУА ЙАХЪПШЫЛИТI
Черкесск город акультура Дворец апны Россия апрокуратура йахъыцIыз асквш 300 йазынархата айззара акIвшатI. Ауи йалан Россия Федерация асенатор КЪАЗАНОКЪВА Кърым, КЧР АуагIа Айззара (а-Парламент) а-Председатель ИВАНОВ Александр, КЧР апрокурор ЖАРИКОВ Олег, ауацIа уысквала КЧР аминистр МАЛЬЦЕВ Олег, Россия ФСБ КЧР-ла а-УнашвахъцIарта знапIыцIу ПЛОДОВСКИЙ Юрий, апрокуратура анхагIвчва, аветеранква. КЧР АуагIа Айззара (а-Парламент) а-Председатель Иванов Александр КЧР а-Хъада Темрезов Рашид йыхьызла апрокуратура анхагIвчва драйхIвахIвтI, КЧР АуагIа Айззара (а-Парламент) а-ЧIахIра грамота КЧР апрокурор Жариков Олег йквнайыргатI, апрокуратура органква йагъьу рынхагIвчва Темрезов Рашид йразыра швъа йгьи а-Парламент а-Президиум ачIахIра грамотаква риттI. – КЧР апны акъральыгIва агIальаматраква рхчауата, ауагIахъа проектква абзазара йшаларжьуа йахъпшылуата апрокуратура анхагIвчва рхачIвква дырхъйитI. ЙагIвсыз асквш апынгьи йапшым ачвгьахараква ргIашIакIрала ахачIвква дырхъйауата ахабзахчара органква аргваныта йрыцынхатI. Апрокурорква збальыгъ йнамдзас асабиква, апенсионерква, аветеранква датшагьи социальна цхърагIара йазыбжу акъральгIвчва йырзынарху ахабзаква шдырхъйауа йахъпшылитI. КЧР апрокуратура ахачIв хъадаква йрыуапI акоррупция абакIра, атерроризми аэкстремизми рпшIагылра азынхара. ЙагIвсыз асквш ари анархарала апрокурорква йрыхъвдаквыз ахачIвква ацIыхъвадза йнадырдзатI, – йхIватI Жариков Олег. Апрокурор КЧР апрокуратура сквшщарда гвхътIыла йынхаз аветеранква згIвадара багъьа, мамыр рзитахъта аразыра ажва пхаква рзынайырхатI. Ауи КЧР апрокуратура органква рынхагIвчва ръачIвагIа гвыргъьахъвла драйхIвахIвтI, йагъьу апрокурорква акъральыгIва ртшхъвагаква риттI. Россия а-Генеральна прокурор й-Унашвала «Россия Федерация чIахIра зму апрокуратура анхагIвы» гвплацIа гIалквнадыргатI КЧР апрокуратура акъральгIв-суд уысквала ахъвшара знапIыцIу СТАНКЕВИЧ Галина. Россия Федерация акъральыгIва къральгIв къвырльыкъвхара йапхъахауа класс зму ареферент БУДАЕВА Ольга «За верность закону I степени» гвплацIа гIалквнадыргатI. КЧР апрокуратура ахъвшара апрокурор КЪЛЫЧ Расул «За верность закону II степени» ртшхъвагала дгIалыркIгIатI. Черкесск город апрокурор йцхърагIагIв БАЖВ Амаль йапхъахауа класс зму аюрист чын гIайквнадыргатI. АдыгьахIабльа район апрокурор йцхърагIагIв ахIба ИЛЬЯСОВ Магомедзаид РФ а-Генеральна прокурор йразыра швъа гIайырттI. Уарп район апрокурор йзаместитель ДЕМЕНКОВ Александр йгьи Прикубань район апрокурор йцхърагIагIв ахIба ЭГЬДЗА Альбина РФ а-Генеральна прокурор йчIахIра грамотаква рквнадыргатI. КЧР апрокурор йцхърагIагIв ахIба ГАДЖИКЕРИМОВ Абдурагим йгьи Зеленчук район апрокурор БУЛАТОВ Евгений Россия а-Генеральна прокуратура ачвахъабага – «Медаль Руденко» рырттI. «Апрокуратура аветеран» медальла дгIалыркIгIатI Къарча район апрокурор УЗДЕНОВ Али. Черкесск город апрокурор йцхърагIагIв ахIба ХАБЕКИРОВА Элла «Медаль Ягужинского» лквнадыргатI. КЧР апрокуратура сквшщарда йынхаз ШАБАНОВ Анзор, УМАЛАТОВА Зарема йгьи ЛАГIВЫЧВ Умар Россия а-Генеральна прокуратура ачвахъабага согIаква рырттI. Айззара апны йгIачважватI ауацIа уысквала КЧР аминистр Мальцев Олег, Россия ФСБ КЧР-ла а-УнашвахъцIарта знапIыцIу Плодовский Юрий, апрокуратура апны йгIаныршу аветеран организация йалу. Апрокуратура йахъыцIыз асквш 300 йазынарху афильм ари акъвырльыкъвхарта ахачIвква шалачпу гIанарбатI. ХIреспублика аршIыйагIвчва гвыпква йадыргалыз агвыргъьахъв концертла ахабзахчагIвчва йрайхIвахIвтI.
157 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный