Россия Федерация а-Верховна суд апны сквш 37 йырту Къарча-Черкес абзазагІвчва Бостанов Руслан йгьи Газиев Умар йырзынарху ауголовна уыс йалапштІ. Асуд йшщаквнаргылызла, асквш 2013 май–июнь рагІан заджвы (ауи йзынарху ауголовна уыс кІьыдапІ) йдыруа апхІвыс машинала длыста дищырныс Бостанов тшизынайырхатІ. АчвгьахагІв асуд ащаквыргылрала амлыкв апхІвыс йлитхра атахъын, ауаса ауи ари апш амальла ауыс ахъвдаквищтырныс мурад йчпатІ. Бостанов апхІвыс дищрыквын автомобиль йыйтуашын йгьи йбизнес ахчала дацхърагІушын. Бостанови автомобиль апшвыма Газиеви апхІвыс йлызкІылпшуан. Асквш 2013, июль а 24 апхІвыс автомобильла йлыстІ, ауи мчыбжьыкІ ачымазагІвтара дщтІан йгьи йгІаладзаз аудын дгІацымхауата дпсытІ. Асквш 2014, декабрь а 5 КЧР а-Верховна суд апны Газиеви Бостанови йырзынарху ауголовна уыс йалапштІ. Бостанов пщыскви цымызкІи йыквырцІатІ, Газиев – гІвысквша. Ауаса хІаквымта йрыквырцІаз льальата йгьи ауголовна хабза тамамымкІва йгІадрысабапта йызпхьадзаз апрокурор асуд ащаквыргылра дгьадымгылтІ, РФ а-Генеральна прокуратура апынгьи ауи йыцыркІтІ. Россия Федерация а-Верховна суд Къарча-Черкес Республика а-Верховна суд ащаквыргылра арыдзхтІ йгьи Бостанов Руслан 14 сквша йыквырцІатІ, Газиев Умар – 9 сквша. РФ а-Верховна суд ащаквыргылра къару нанауахвтІ. Источник: riakchr.ru Предыдущая новость 759 просмотров Следующая новость Читайте также АГIВЫТЛАНЫКЪВАКIГЬИ РГIАЛЬАМАТРА АЛАП 21.06.2016 345 АКЫТМЛЫКВРХIАРА АТШАУАЦIЫХРАЛА АУЫЖВГIАНЧIВИ АМАЛЬКВА 03.11.2020 134 Получайте свежие новости на электронную почту Подписаться Комментарии Написать
Комментарии