Актуально В КЧР открылся самый высокогорный ФОК Актуально Глава КЧР Рашид Темрезов в Учкулане поприветствовал участников конного перехода, проходившего в честь Дня Победы и Дня возрождения карачаевского народа Актуально Республиканская весенняя ярмарка проходит в столице КЧР Актуально В КЧР прошла конференция к 90-летию Юрия Калмыкова с участием делегации из Турции Актуально В столице КЧР подвели итоги и наградили отличившихся участников месяца патриотической, спортивной и оборонно-массовой работы

АГIВЫЧIВГIВЫС ЙЫНЦIРА АЦКIЫС ХВЫ ЗМУ ГЬАЪАМ

19.07.2019 234
АГIВЫЧIВГIВЫС ЙЫНЦIРА АЦКIЫС ХВЫ ЗМУ ГЬАЪАМ
АгIвычIвгIвыс дыздгылу ауыс цIолата йанидыруа дыззынадзауа гьмачIым. ЙалкIгIата айъазагIв-хирург йгватшныри йгIвычIвгIвысагIари щарда рпщылапI. Ауи зынцIра гIайызхъазцIаз дзачIвызлакIгьи йкъаругьи йдырраквагьи дырмайгьдзауата дйайъазарквын, рахIа йхьанту ачымазагIвгьи йщапIы дыквйыргылхырныс йылшитI. Ставрополь край йаланакIуа Михайловск город апны хIхаквлагIв, ахирург ъаза КЪАНАМАТ Азамат Ибрагим йпа 11 сквша цIуата дынхитI. Ауи ХIабаз район йаланакIуа КвачхIабльа кыт дауапI. ГIвычIвгIвысагIара ду злу айъазагIв йзыразу ачымазагIвква йшырхIвауала, айъазара йазычпу йнапIква йырхъазымкIва йажвагьи хвышхвапI. Азамат йыркъьаз ачымазагIв анаркоз дгIалцIындзыкIьа йылапш гьихъихуам. Ауи мшкIы ауацIала 5–6 ркъьара анакIвйыршауа гIаншитI. УадыргIванагьи йнашх хъващыта заджвгьи дгьйымбастI. Къанамат Азамат йхабар бзита йызхIвауа йрыуапI зщапIы йгIаквйыргылхыз Фаризати ауи лпхIа Мадини. – Азамат Ибрагим йпа дайъазагIв гвымчIву йахъазымкIва гIвычIвгIвысагIарата йылугьи ажвакIла йгьузыхIвушым. Апалатаква щымтала щажьыта дгIарыкIвшитI, ачымазагIвква зымгIвагьи йатахъу гватра рзалихитI, йхъатала ахвыртаква данырхьпшуагьи гьмачIым. Швабыжта хIизыразпI, АлахI дизыразхатI. Сан лаъаща йырхъвыхын, дыркъьара атахъыта йщаквйыргылтI. МшквакI руацIала дазирыхIазырын, аркъьара бзидздзата йакIвйыршатI. Ауи тшахьъанайырхалакIгьи йызшазтI, ймурадква зымгIва хъйарагIатI, нхарала адахIвраква дырзынадзаргIатI, тгIачвала дтынчызтI. АчымазагIвква рызгIвадара дакъалагIвырта ужвыгьи сквшщарда дынхарагIатI, йаргьи зынгьи згIвакIгьи гIайыдымсылыргIатI, – лхIвитI Мадина. Азамат Ибрагим йпа КубанскIа къральыгIва медицина академия дгIалгатI, йапшым ашIыпIаква рпны дынхатI, швапхата йырхIазгьи гьмачIым. Асквш 2008 йгIашIарышвта Ставрополь край, ШпаковcкI район ачымазагIвтара апны дынхитI. Йара йшихIвауала, ужвыгьи зны ахъа дгIалагахыргьи йара ауи аъачIвагIа гIалихуашын. – Сара ачымазагIвква ансзыразу смурад хъада гIасдахIвта йспхьадзитI. ТшгIасзыназырхаз дзачIвызлакIгьи йхьыгIа шсрыласуаш, йгвы шсырбзиуаш сащтапI. Сыззынадзазла сгIашIамсуата, сынхара йацсырцауата схъагьи садынхалитI, амедицина йазынарху агIвыраква тшрыхасыргIвазалитI, – йхIвитI йара Азамат. АйъазагIв ШпаковскI район абзазагIвчва йырхъазымкIва анахьанат ашIыпIаква йгIартыцIыз чымазагIв щардагIв тшгIайзынадырхитI. ЗымгIвагьи пшката драчважвитI, йатахъу гватра рзалихитI. Ауи зынгьи агIвычIвгIвыс йынцIра ацкIыс тлапIа адуней йшыквым гьихъираштылуам. АйъазагIв йхъапщыли йари гIвысабичва гIадзындыргылитI, Ставрополь город апны йбзазитI. Азамат йыцынхауагьи аргваныта дыздыруа зымгIвагьи пIатIу ду йыквырцIитI. ХIапхъахьылагьи ауи йгIвычIвгIвысагIа йалымдзгIауата нхарала дыззынадзуш шмачIым йазхъахIцIитI.
234 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный