Актуально Представители молочной отрасли КЧР могут принять участие  в Национальном Молочном Конгрессе    Актуально Глава КЧР Рашид Темрезов поздравил с 98-летием ветерана Великой Отечественной войны Ивана Прокопова СКФО Преимущества покупки пластиковой сетки у OPT Relation СКФО 1. Технические характеристики, сертификация продукции и регистрация технических характеристик СКФО В республиках СКФО на 61% вырос спрос на образование с господдержкой

АГIВЫЧIВГIВЫС ДАНГВЫРГЪЬАУА АДУНЕЙГЬИ ЙЫЦГВЫРГЪЬИТI

06.05.2019 250
АГIВЫЧIВГIВЫС ДАНГВЫРГЪЬАУА АДУНЕЙГЬИ ЙЫЦГВЫРГЪЬИТI
ЙхIтахъы-йхIтахъымызтынгьи айъазагIвчва тшырзынахIырхара атахъхитI. ЙалкIгIата апыц йахьпшуа ракIвпI хIызчвшвауа. Асаби йчагаква ангIакIылсуа азаман йгIашIарышвта йбзазара аурала йпыцква гвыгIвмыгIвра гIайыларцIалитI. УахьчIвала айъазагIвчва-стоматологква рынхара зрымайрауа амаль шIыц щарда гIадрысабапырныс лшара рымапI. Къарча-Черкес ареспублика стоматология поликлиника хвыла апыцква йъархьпшуа атехникква рхъвшара даунашвачпагIвта дынхитI КАБАРДОВ Борис Михаил йпа. Ауи йхъвдаквцIараква джьауапкIра ду йылата йырхъйитI, дъадзанхауа азаман ауацIала зъарагIвы рпыцква гIащаквйыргылхыз, апротезква ззичпаз гIапхьадзауачвапI. Борис Михаил йпа Къабард-Балкъар Республика, Терекск кыт апны дйытI, ауаъа дгIадзынгылтI. Аквтанай апхьарта дангIалга амщтахь ауи йаба йахIварала йшвъаква Нальчик акытмлыкврхIара институт йриттI, дагрономхарныс дхIазырын. Ауаса, архъвыхраква рзамангьи гIадзахьата апыцква зрыхIазыруа атехнологква ъадрыпхьуз Пятигорск йаныргIалыз атехникум дыцIалтI. Ауаъа дангIалга нхара хIреспублика дгIарщтитI. Йаргьи швабыжта йгвапан агвлачва рбзазаща аргваныта тшахайыргIвазарныс лшара ъайауыз. Асквш 1980 агIан ауи Устьджьгваты город астоматология поликлиника апны техникта днарахвтI. АъачIвагIагIв шIа дызлашваз агвып швабыжта йаларпан, гвапатагьи йгIайпылтI, йаргьи анцIрала бзи йбатI. Дъадзанхуз азаман ауацIала гIвзачва щардагIвгьи йаутI, дызтанагаз агородгьи анцIрала дбзазазшва дащцатI. Ауи йызнымкIва дъагIадзынгылыз ашIыпIа дхъынхIвыхырныс йгIайыхIватI, ауаса йынхарти йыгIвзачви гIанижьырныс гьитамхъхатI. – Съадзанхуз азаман ауацIала сцри республикала йызнымкIва атшыбжьараква сырхъыстI, гвып щардагьи срыцынхатI. Устьджьгваты апны сынхауа саналага агIан акIвпI йаларпу гвып ззырхIвауа ангIасгвынгIвы. Кьангьашра гьалам съахIыльчва, скыт швабыжта йшгIасгвалашвуз, ага ауаса йаъазтынгьи, араъа сынхарныс рыцIа схънахуан. Бызшвала срыквымшваргьи зынгьи хамата сгьрымпхьадзатI. Нхара араъа йгIарщтийыз а 15-гIв йрыуата йгIанхаз саразаджв сакIвпI, – йгIайгвалашвахитI Борис Михаил йпа. СквшигIадза ауи йъачIвагIа азъазара рыцIарыцIа йалахIун. Асквш 1995 агIан Кабардов Михаил Черкесск город астоматология поликлиника нхара ддрайгватI. Ауи Устьджьгваты дгIатыцIуамца ауищтарагьи Черкесск город апны дынхитI. Категория хIаракIы зму атехник уахьчIвала ахъвшара даунашвачпагIвпI, дыззынадзазла зынгьи дгьгIашIасуам, азаман дацчIвырхъитI. – Апхъала хIызланхуз апкъыгIваква йгIарыквухырквын, уахьчIвала алшараква швабыжта йщардахатI, амедицина мчыта апхъала йчIвырхъатI. АйъазагIв тшгIайзыназырхауа акъральгIвчва дасу йыквыргIапсу амаль гIалырхитIта, атехнологквагьи ауи хIырхъйахитI. ЙаъапI хъатачIв хIаракьатчпагIв щардагIв хIъачIвагIа тшырбайагата йангIадрысабапуа. АгIвычIвгIвыс йлакта зрыпшдзауа йпыцква ракIвпI. Ауаса йанаъазара, ауат рхьпшра сакъта уадгылра атахъыпI, – йхIвитI аъачIвагIагIв гвымчIва. Кабардов Борис йшгIаликIгIазла дъанхауа алаборатория уыжвгIанчIви технологияла йадгалапI, йцкьапI, ауатква збзиру аполиклиника айъазагIв хъада Хвби ХIасан йакIвпI. Борис Михаил йпа дъанхауа алаборатория аполиклиника айъазагIвчва йырхъазымкIва ахъатачIв стоматологква рахIварагьи дырхъйитI. Черкесск город стоматология поликлиника анхагIвчва Кабардов Борис пIатIу ду йыквырцIитI, айцIбачва рыхъазла кьангьашагIвта далитI. – Сара араъа сынхауищтара 15 сквша цIитI. Агвып сангIарылал Борис Михаил йпа пIатIута йыквырцIуз зынла гвы асттI. ХIара зымгIвагьи ауи нбжьагIв-уасаражвта дхIзалитI, уызлайыдзхъагыллакIгьи йалыргу джьауап гIайтитI, йъачIвагIа азъазара джьауымщакIвагьи амаль гьамам. АйъазагIвчва хIынхара йузакъвымхуашта атехнологква руыс архъйаща йапщылапI. Кабардов Борис йапшу агвымчIваква рбзирала хIуыс йгвымхамкIва йгIахIдахIвитI, – йхIватI астоматология поликлиника ахъвшаракI унашва ахъызцIауа Абреков Мусса. АгIвычIвгIвыс дгвыргъьарныс йхъагвы аквыта дызчпауа астоматолог ъазаква дрыуапI уахьчIва зунашва хIчпаз аъачIвагIагIвгьи.
250 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный