Устьджьгваты город
йапхъахауа а-Лицей гIадыршIыцхуата тыпта 400
зму уыжвгIанчIви уыхвара гIахъыртIытI, ауи йаъаз апхьарта йгIашIарчпатI. УахьчIвала а-Лицей апхьагIвчва 153-гIв
йнадзитI. Апхьарта агIахътIра йазынархаз айззара
апны КЧР а-Хъада ТЕМРЕЗОВ Рашид йшгIаликIгIазла, ауи «Арыпхьара» уагIахъа проект
апкъ йтата йыруыхватI.
– Апхьартаква рпны
гIвкьазукI рыдзра, апхьара угвы йгIащтIнахуата аъаща гIаныршара Россия Федерация
а-Президент Путин Владимир йлихыз ахачIвква
йрыуапI. «Арыпхьара» уагIахъа проект арыпхьара
ргIапсщала хачIв щарда рырхъйара йацхърагIитI. Асквш 2025-дза ужвыгьи апхьартата 25 хIуыхварныс йаквхIырпшитI,
ауи агIан акьазуква гьаъахызлушым. Россия
а-Президент асабигIзартаква рпны акьазуква
рыдзрала ахачIвква ангIахIыхъвдаквицIа апхьарти асабигIзарти йалата йуыхварала республика программа лыхIхтI
йгьи ауи йапшу арыпхьара нхартаква кыт щарда
урынйитI.
Устьджьгваты йгIахъхIтIыз апхьарта пхатшапI,
уыжвгIанчIвита йыргIапспI. УахьчIва апхьартаква рпроцент 20 гIвкьазукIла йынхитI. ЙлыхIхыз
ахачIвква хIырхъйарыквын, асабиква гьгIапсахуашым, апхьара сахIатква рымщтахь йапшым акружокква, асекцияква йзыцуштI, –
йхIватI Темрезов Рашид.
ХэтажкIта йаквгылу
апхьарта 400-гIв гIвнашвитI, квадрат метрта
3767 гIацIанакIитI. Ауи
уыжвгIанчIви джыпха
йтагылата йыруыхватI,
йапхъахауа аэтаж апны
тыпта 200 зму мацIауырти чарти аныргIалпI,
йгIвбахауа йгьи йхпахауа
аэтажква рпны – спорт
йгьи актова залква, йыззыбжу зымгIвала йадгалу апхьара кабинетква.
Устьджьгваты город
й-1-хауа а-Лицей йанакIвызлакIгьи апхьагIвчва
гврыхваквала ахьыз гун,
арыпхьагIвчвагьи, ан-абачвагьи абаркIыта ркъару
арыпхьара йазынадырхитI.
Апхьартаква рпны
агIвкьазукIква рыдзрала
ахачIвква дырхъйауата
Гюрюльдеук кыт апынгьи
тыпта 165 зму апхьарта
руыхвитI. Учкекен апынгьи апхьагIвчвата 960-гIв
йырзалху апхьарта ауыхвара сынчI
Получайте свежие новости на электронную почту
Комментарии