Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

АФАЧIВ ГIАРХАРДЖЬРА ЙАЛАХIИТI

20.03.2020 192
АФАЧIВ ГIАРХАРДЖЬРА ЙАЛАХIИТI
КЧР а-Хъада ТЕМРЕЗОВ Рашид «Дамате» компания аунашвачпара йрыуу БАБАЕВ Наум йгьи ХАЙРОВ Рашид дрынйатI. «Дамате» акытмлыкврхIара пкъыгIваква йрыдынхалуа акомпания пхатшаква йрыуапI. Акомпания асквш 2018 йгIашIарышвта ауасажьы адынхалрала проект архъйитI. Черкесск йаныргIалу «Кавказ-мясо» жьырхарджьра комбинат апны ауасажьы йадынхалуа йалагатI. Анйара апны аинвесторква йшгIалыркIгIазла, гIвысквша руацIала апроект рхъйара сом 2,68 миллиард азынадырхуштI. Апроект апкъ йтата Къарча-Черкес йгьи Ставрополь край рпны арахвырхIартаква гIадыршIыцхуаштI. «Дамате» компания ауаса тлапкъква агъьчIвра, ауи йазынхуш аъачIвагIагIвчва рарыпхьара хачIвыта йылнахтI. Ауат хъатачIв лаборатория рымапI, ауыжвгIанчIви технологияквала йынхитI. Йшаквдырпшуала, «Кавказ-мясо» комбинат архарджьра къару йаладырхIуштI, сквшыкI апны рахвыта зкьы 720 йрыдынхалуаштI, нхара тыпта 500 гIаншуштI. – Апроект рхъйара хIышта аэкономика шабгу тшауацIнарыхра йацхърагIара йахъазымкIва ауасархIара апны ауыжвгIанчIви технологияква гIадрысабапуаштI, – йхIватI анйара апны Темрезов Рашид. – Апроект рхъйара ауасархIара йапщылу акыт абзазагIвчвагьи гIаланакIуаштI. Ауат йдырхIауа арахв апшцIыщтра хъахIара рызгIанаглуштI. «Дамате» компания агвагвыщыжьгьи ахшгьи йрыдынхалитI. Акомпания Пенза, Тюмень областьква, Ставрополь край рпны йынхитI, уахьчIвала анхагIвчва цынзыкьыгIв йрайхIапI.
192 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный