Актуально Представители молочной отрасли КЧР могут принять участие  в Национальном Молочном Конгрессе    Актуально Глава КЧР Рашид Темрезов поздравил с 98-летием ветерана Великой Отечественной войны Ивана Прокопова СКФО Преимущества покупки пластиковой сетки у OPT Relation СКФО 1. Технические характеристики, сертификация продукции и регистрация технических характеристик СКФО В республиках СКФО на 61% вырос спрос на образование с господдержкой

АДНЪКЛЫ ИСИ МЕИ АТЫН ОЬМИРЛЕНДИРГЕ

28.12.2018 374
АДНЪКЛЫ ИСИ МЕИ АТЫН ОЬМИРЛЕНДИРГЕ
СССР ден савлыкты саклавдынъ отличниги, Россия Федерациясынынъ сыйлы врачы, КЧР халк врачы, Черкесск каласынынъ сыйлы гражданини, Карашай-Шеркеш Республикасынынъ алдында сыйлары уьшин орденининъ иеси Алексей Адамович Хуранов бу йылдынъ 5 декабринде оьзининъ 90 йыллыкмерекесин белгилеек эди. Сол куьнге бир неше ай етпей, 16 июльде ол яшавдан кешти. 5 декабрьде Алексей Адамовичтинъ тувган куьнине багысланып, Х.Байрамукова атлы КЧР оькиметлик миллет библиотекасында «Карашай-Шеркеш юртынынъ данъкы эм оьктеми» деп аталган эскеруьв кешлиги озды, Амаллама РФ коммунистлик партиясынынъ регионлык боьлигининъ, онынъ сыдыраларында Алексей Адамович яшавынынъ сонъгы куьлерине дейим болган, ой этуьви мен уйгынланды. Элли йыллык ис стажы болган сыйлы врачты эскермеге КЧР ден савлыкты саклав министерствосынынъ элшилери, оны ман бирге куллык эткенлер, ямагатшылык аьрекетшилер, студентлер келген эдилер. Йыйылганларга Алексей Адамовичтинъ яшавы, ис аьрекети эм ямагатшылык аьрекетлиги акында «Аьдемлерге кызмет кылувга берилген яшав» деген электронлы презентация коьрсетилди. Алексей Адамович Дагестанда медициналык институтын кутылган, сонъ ис аьрекетин Эрсакон авылында баслаган. Сегиз йылдынъ бойында ден савлыкты саклавдынъ область боьлигин басшылаган. Сол йылларда ден савлыкты саклав тармагынынъ йырмадан артык объекта курылган, психиатрия, онкология, стоматология, эндокринология, санавиация, кан службалары уйгынланганлар, медициналык кадрлар ман аьжетсизлев йорыкланган. 1965 йылдан - 2001 йылга дейим Алексей Адамович Черкессктинъ биринши номерли поликпиникасын етекшилеген. Онынъ етекшилик этуьви мен поликлиника куьнине 1000 аьдем йоклайтаган коьп йоьнелисли эмлев-профилактикалык учреждениеге айланган. Мунда 90 врач эм 300 орта эм кишкей медициналык персонал куллык эткен. Поликлиникада эмлевдинъ эм диагностикадынъ коьп янъы методикалары эндирилгенлер. Алексей Адамович белсинли яшав келбетин юрри бойынша комитетининъ председатели Исмель Биджев, КПРФ-тынъ регионлык боьлигининъ биринши секретари Кемал Бытдаев, белгили ямагатшылык аьрекетшилери Ахмат Катчиев, Рема Татаршао, Муратхан Михайлович эм баскалар боьлистилер. Амалламада А,Хурановтынъ аьелине ЦККПРФ-нынъ эстеликли ордени савгаланды. Сондай болып, йыйылганлар Алексей Адамовичтинъ атын оьмирлендируьв бойынша ойшылар куьбин туьзуьвди макулладылар. Амалламадынъ ызында Алексей Адамовичтинъ улы Руслан Хуранов кешликтинъ уйгынлавшыларына эм катнасувшыларына муьсиревин билдирди эм ийгиликлер сагынды.
374 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный