Кыралымызда белгиленет аган байрамлардынъ арасында кеспилик байрамлар айырым
орынды тутадылар, неге десе олар сайлаган
кеспиге алаллыкты, оьз
иси мен халкка аькелетаган пайдады, тармакта
коьримли куллыкшыларды белгилемеге амал бередилер. Сондай кеспилик
байрамлардынъ бириси
- ол йылдынъ басында
белгиленетаган Прокурат ура куллы кш ы сы
нынъ куьни. Бу байрам
ман байланыста окувшыларымызга республикамыздынъ прокуратура органларында коьп
йыллардан бери ислейтаган ердесимиз Р.М.Казаков
акында хабарлаймыз.
Расул Муссабиевич Казаков 1975 йылдынъ 6 карагысында Саратов областининъ
Ново-Бурасский районынынъ Чернышевка селосында тувган. Расулга тогыз ай
толганда, Казаковлардынъ
аьели Адил-Халк авылына
коьшкен. Авылдынъ ортак
билимлендируьв мектебининъ 11 классын кутылган
сонъ яс аьдем мырадынынъ
канатына атланып, Саратовтынъ Дмитрий Иванович
Курский атлы юристлик институтына окувга туьскен.
Сол заманда ол институт
болган, кутылаятырганда
академияга туьрлендирилген. Киш кейиннен алып
спортка, билимге ымтылыслыгын яс академияда кенъ
яйылдырган.
Йогары окув отанын
битирип, ногай яс колына
юристтинъ кеспилик дипломын алган. Ис аьрекетин
1997 йылда республикамыздынъ Усть-Джегута районынынъ прокуратурасынынъ
тамада следователи болып
баслаган. Расулдынъ шалыскырлыгы коьрингенде,
эки йылдан сонъ Карачаевск
каласынынъ прокурорынынъ
тамада ярдамшысы этип
коьширгенлер. Онда 2002
йылга дейим етимисли ислеген. Сол ок йылдан алып
2008 йылга дейим Карачаевск каласынынъ прокурорынынъ орынбасары болып
белсинли аьрекетлеген.
2009 йылдынъ канътарында болымлы замандасымыз Расул Казаков куллык
басамаклары ман йогарлаган - Карашай-Шеркеш
республикалык прокуратурасына куллыкка коьшкен.
Ишки ислер органларынынъ
эм юстициядынъ уголовлык-процессуаллык эм оперативлик-излев аьрекетине
коьз салувды эндируьв бойынша боьликтинъ прокуроры болып беркитилген.
2019 йылдынъ казан айында
касиети бойынша айлак
туврашыл, куллыксуьер,
канагатлы ердесимиз сосы
боьликтинъ басшысынынъ
орынбасары этилип салынган.
Расул Муссабиевич прокуратура органларында йырма доьрт йылдынъ бойында
намыслы куллык этип келеятыр. Сайлаган кесписининъ
шынтысы ман устасы, оьз
бактысынынъ иеси Расул
Казаковтынъ куьш салувы
ман республикамыздынъ
юртында яшавшылардынъ
пайдалыклары демевленедилер.
Буьгуьнлерде ногайдынъ
талаплы, йигит улы Расул
Казаков Карашай-Шеркеш
Республикасынынъ прокуратурасынынъ боьлик басшысынынъ орынбасары болып
аьрекетлейди. Аьрекетте
тапкан етимислери уьшин
оькиметимиздинъ коьплеген
йогары савгалары ман белгиленген.
Айтпага, 2012 йылда
Россия Федерациясынынъ
Генераллы прокурорынынъ
буйрыгы ман «Законга алаллыгы уьшин» деген экинши
дережели белги мен савгаланган. 2017 йылда РФ
Генераллы прокурорынынъ
Сый грамотасын да алган.
Оннан баска КЧР Халк Йыйынынынъ (Парламентининъ) Сый грамотасы ман
белгиленген.
- М еним кул л ы гы м
аьдемлердинъ конституциялык праволарын коршалав ман, кыянатлык пан
куьресуьв мен байланыслы.
Мен аьле мектепте окыйтаган йылларда юрист болмага
мырат эткен эдим. Атам ман
анам меним баславларымды демевлеп турдылар.
Мен яшавда янымга якын
кеспиди сайлап, мырадымга
еткеним уьшин ата-анамга
разылыгымды билдиремен,
- деп кызыклы боьлисти
Расул Муссабиевич.
Мектепте эм институтта
волейбол, баскетбол ман
каьрлеген. Тетик спорты
ман, туризм мен белсинли
каьрлейди.
Хабарымызды бардыра келип, Расул Муссабиевичтинъ туьзген аьели
акында да айтып озайык.
Ян косагы Гульнара Абдулкадыровна ман бирге аьелде
доьрт балады тербиялайдылар. Тувнъышлары Фатима
Ставрополь каласынынъ
Керуьв-Кавказ федераллык
университетининъ юристлик факультетинде 2 курста
окыйды. Синълиси Алима
Ногай муниципал районынынъ орталыгы - Эркин-Шахар поселогында аьрекетлейтаган аграрлык-технологиялык колледжининъ экономикалык факультетинде
2 курста окувын етимисли
бардырады. Ога тете Медина Черкесск каласынынъ
5 номерли гимназиясында
4 класста окыйды. Кенжепайлары Азамат аьле де
каладынъ балалар бавын
йоклайды.
Аьелдинъ анасы Гульнара Абдулкадыровна КЧР
Басшысынынъ эм Правительствосынынъ Администрациясынынъ праволык
боьлигинде юрист болып
куллык этеди. Эне сондай
татым, берекетли аьелди
туьзген макаламыздынъ бас
геройы Расул Муссабиевич
Казаков. Биз оны кеспилик
байрамы ман кутлаймыз
эм алдыдагы аьрекетинде
коьп йогары етимислерди
сагынамы
Получайте свежие новости на электронную почту
Комментарии