СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

Адамланы тилеклерин толтура…

01.04.2020 252
Адамланы тилеклерин толтура…
Къарачай-Черкесияны джамагъаты кеслерини джарсыуларын, тилеклерин республиканы Башчысы Темрезланы Рашидге Инстаграмда джазгъанлай турадыла. Ол да, хар джазылгъаннга энчи эс бёлюб, анга тыйыншлы мадар табар джанындан кюрешеди. Бир къауум тарыгъыулагъа болушлукъ этерге бёлек заман керек болады, бирсилени уа тыйыншлы ведомствола кесек заманны ичине тындырадыла.


Сёз ючюн, Черкесск шахарны Комсомольская орамында адамла джолну ётген джерни джарытхан чыракъ кюйгени амалтын, ашхамда, кечегиде джолну бир джанындан бир джанына ётген адамла иги кёрюнмейдиле, деб джазгъанды биреулен. Ол зат джаяу адамланы, машина джюрютгенлени да джанларына къоркъуулу болады.
Фатар-коммунал управлениени къуллукъчулары ол затха терк эс бёлгендиле, чыракъ джанарча этгендиле.


Къобан районну Николаевское элинде джашагъан биреулен айтхандан, «Школ автобус» деген программаны тамалында районну администрациясы элни школуна автобус берген эди. Алай а ол сохталаны школгъа джюрютмейди.
Ол затха Къобан районну администрациясы эс бёлюб, сохталаны барына да таб болурча маршрут джарашдыргъанды. Энди эртденбла 8 сагъат бла ингир 4 сагъатда школну автобусу, эки рейс этиб, сабийлени джюрютеди. 


Абаза районну Псыж элинде джашагъан тиширыу аны юйюню къатында къуралгъан багуш къалауну юсюнден джазгъанды. «Тюз мени юйюмю аллында, Шавтиков атлы орамда, багуш къалау къуралгъанды. Аны ийисинден солур мадар джокъду. Джаз келгенди, сабийле эшикде ойнарлары келеди. Бир болушугъуз, тилейбиз. Администрациябызгъа талай кере айтханбыз, алай а эс бёлмейдиле», - деб тарыкъгъанды ол.
Абаза районну администрациясына бу зат билдирилгенди: экинчи кюн огъуна керекли техника ийилиб, багуш къалау къоратылгъанды, орам тазаланнганды.


Къарачай шахарны Ленин атлы орамында 50-чи номерли кёб фатарлы юйде лифт ишлемегенини юсюнден ол юйде джашагъан тиширыу джазгъанды:
«Багъалы Рашид Бориспиевич! Сизни болушлугъугъуз амалсыз керекди. Бизни юйде лифт ишлемейди. Аны ишлерге киши ашыкъгъаннга да ушамайды. Юйде джыллары келген адамла, гитче сабийле да кёбдюле. Ауур джюклени джюрютген лифт бек эртдеден да бузулубду, аны амалтын ауругъанланы тюшюрген, миндирген да къыйынды. Энди уа тюз лифт да ишлемейди. Ол кеси да бек эскиди, алай болса да ансыз бизге бек ауур тиеди. Сёз ючюн, мен къойнунда сабий бла колясканы тюбюне кесим джангыз тюшюралмай бек инджилеме».
Къарачай шахарны Фатар-коммунал управлениесини къуллукъчулары лифтни бузугъун ишлегендиле. Лифт бусагъатха дери да талай кере сыннганды. Бу джол двигателини джюрютген кючюн ауушдургъандыла.


Бу ишле бары да Темрезланы Рашидни башчылыгъы бла баджарылгъандыла. Башында чертгенибизча, хар джазылгъаннга ол кеси къарайды, керекли буйрукъланы да кеси береди, ишни къалай тындырылгъанына да эс бёлгенлей турады.
«Къарачай» газетни багъалы окъуучулары! Амалсыз джумушугъуз, тилегигиз, тарыгъыуугъуз бар эсе, республикабызны Башчысы Темрезланы Рашидге Инстаграмда джазаргъа мадарыгъыз барды.

Басмагъа ХУБИЙЛАНЫ Фатима хазырлагъанды.
252 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный