Актуально Рашид Темрезов провел рабочую встречу с управляющим Карачаево-Черкесским отделением ПАО «Сбербанк России» Зауром Джазовым Актуально В КЧР определили лучшего учителя родного языка и литературы Актуально Глава КЧР Рашид Темрезов вручил ключи от 19 новых пассажирских автобусов Актуально «Россети Северный Кавказ» на 7,7 % улучшили платежную дисциплину потребителей электроэнергии в КЧР Актуально В ФСБ России по КЧР рассказали как распознать телефонных злоумышленников 

АБЗИРАКВА ЩТАДЪА ЙГЬЫДЗУАМ

03.10.2019 179
АБЗИРАКВА ЩТАДЪА ЙГЬЫДЗУАМ
Черкесск город «АдзыгIвбжьа ЙачIва» культура-тшпсщара парк йаныргIалу атопасырта апны самбола адуней йгьи Европа рчемпион, асквшква 1995–2014 рагIан хIреспубликала йагъьу футболистта йырпхьадзуз, КЧР АуагIа Айззара (а-Парламент) йадепутатыз КЪВНЫЖВ МухIамад Асльамбакь йпа йхъмаштылра йазынархата футболла республика анкъвакъвра акIвшатI. Ауи йалаз Къвбина, ЙынджьыгьчкIвын, АлбыргIан, Псыжв, ИконхIалкъ ркомандаква анкъвакъвра асогIаква йырзабакIтI. Ахъмаштылра анкъвакъвра сынчIва йхынхауата йакIвдыршатI. Ауи адгалагIвчва анкъвакъвра йшатахъу апшта йакIвшара ахъазла ркъару йгьамайгьдзатI. АфутболасыгIвчва йырхъазымкIва, Къвныжв МухIамад йцриква, йыгIвзачва, дызцынхуз, тшызцибжьуз ачкIвынчва щардагIвы анкъвакъвра йгIадгылтI. Анкъвакъвра адгалагIвчва йгIайззаз афутболасыгIвчва згIвадара багъьа, адахIвраква рзыртахъта йрайхIвахIвтI, Къвныжв МухIамад дызхъмаштылуа афутболасыгIвчва анкъвакъвра ансисквшагьи йъагIалалуа ахъазла йшырзыразу рархIвтI. Футбол йацасуаш щаквдыргылуата чIвы дрышвтI, акомандаква гIвгвыпкIта йыршатI. Йапхъахауа агвып – «Абазги 1» (Псыжв), «Шабден» (ИконхIалкъ), «Инжич» (ЙынджьыгьчкIвын) командаква, йгIвбахауа агвып «Шарпны» (АлбыргIан), «Къвбина» (Къвбина), «Абазги 2» (Псыжв) командаква рылашватI. Йапхъахуз анйара апны ИконхIалкъ рфутболист атоп дшазыгIвуаз ЙынджьыгьчкIвын рвратарьгьи ауи шгIайкIуаз йапшIакшан, ахъвмарра гIашIадрыстI. Афутболист зынла йщапIы дгIахвынгылхтI, ауаса атоп бзита йгIазкIуаз айынджьыгьква рвратарь дырпсахра атахъхатI. Ауи афутболасыгIвчва йгIарызарархатI, йырпсахыз авратарь гIвтопкI агIвищтын, айынджьыгьква 0:2-та йгIалахатI. ЙгIвбахуз анйара апны йаквшваз «Абазги 2» йгьи «Къвбина» командаквагьи футболасща пшдза гIадырбатI. Апсыжвква 3:0-та акъвбинаква йрайгIайтI. Йхпахуз ахъвмарра апны тшгIадырбатI «Абазги 1» йгьи «Шабден» командаква. Анйара 6:1-та йалгатI, Псыжв рфутболасыгIвчва айгIайтI. ЙащтагIайуаз анйара апны албыргIанкви акъвбинакви рылшараква гIадырбатI – 4:1-та «Шарпны» команда айгIайтI. Йхвбахуз ахъвмаррагьи джьащахъван. «Абазги 1» йгьи «Инжич» командаква апхъагылара йазабакIтI. Ари анйара апны апсыжвква рыцIа топ щарда тадрышвтI, 7:1-та айынджьыгьква йрайгIайтI. Агвыпква руацIала йцIыхъвахуз анйара апны «Абазги 2» йгьи «Шарпны» командаква аквшватI. Ахъвмарра йшгIанарбазла, 1:0-та апсыжвква айгIайтI. Ари анйара апны албыргIанква гIалахазтынгьи, арахьарат агвыпква йъарайгIайыз ахIатырла афинал йгIахъвмарырныс рылшатI. Йхпахауа агыларта йазабакIыз «Къвбина» йгьи «Шабден» командаква ранйара 4:2-та йалгатI. ИконхIалкъ рфутболасыгIвчва гIвголкIла акъвбинаква йрайхIахан, йхпахауа агыларта ркIытI. «Абазги 1» йгьи «Шарпны» командаква афинал апны йаквшватI. Апсыжвквагьи албыргIанквагьи анкъвакъвра акубок йазабакIуата футболасща пшдза гIадырбатI. «Абазги 1» команда афутболасыгIвчва 2:1-та йайгIайтI, ауат ахъмаштылра анкъвакъвра йазалырхыз акубок йгьи сом зыкь 30 согIата йрырттI. ЙгIвбахауа агыларта зквнадыргаз «Шарпны» кубоки ахча согIати сом зкьы 20 рквнадыргатI. ЙконхIалкъ йгIатыцIыз афутболасыгIвчвагьи йхпахауа агыларта ркIытI, ауат кубок йгьи сом 10-н зыкь рзалырхтI. Анкъвакъвра агIарбараквала «Шарпны» команда йалу Харцыжв Аскьар йагъьу вратарьта дгIалыркIгIатI, йазалху согIа йырттI. «Абазги 1» ахьызла йгIахъвмарыз Ляу Рустам «Лучший защитник» асогIа йквнадыргатI. Пщмахва Омар (АлбыргIан) йагъьу «полузащитникта» дгIалыркIгIатI. Агайгельдиев ЙахIйа (ИконхIалкъ) «Лучший нападающий» асогIа йырттI. «Абазги 1» йалу Табыш Артур «Лучший игрок» асогIа йквнадыргатI. Акубоккви асогIакви анкъвакъвра йазалызхыз МухIамад йцриква ракIвпI. Къвныжв МухIамад хIреспублика йгьи йцри кыт ртшауацIыхра къару ду шалайцIуз апшта, асабиква афизкультури аспорти йрыдкIылата ргIадзныргылра дазхъвыцуата нхара ду акIвйыршун. Ауи йапшым аспорт квпшыраквала анкъвакъвраква, чкIвыныргIа ртшыбжьараква радгалра дацхърагIун, аспорт объектква руыхвара йацикIуан. Ауи адуней дыквхмызтынгьи, йцрикви йыгIвзачви аспорт йадкIылу чкIвыныргIа адыркIылитI, йандыркъвакъвитI. Йара Къвныжв МухIамад данабгаз зъара спорт анкъвакъвра адигалйа? УахьчIвагьи йцриквагьи йыгIвзачвагьи ауи йгIаджвыквцIараква надырдзахитI. 
179 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный