АБЗАЗАРА АЗЫГIАЛЬАМАТРАТА ЙАЗРЫМУ РХЧИТI

«Центр социального обслуживания населения» нхарта абзазагIвчва рпынква йрызцумца цхърагIара рзыгIанзыршауа хъвшарата 20, асоциальна-медицина цхърагIара йазалху ххъвшаракI, гвжважвагIва социальна цхърагIара дызрадзауа пщхъвшаракI аланакIитI. Акытква рпны зныбыжьла йнаскIьахьаз ауагIакви аныкъвадыкъвакви цхърагIара дызрадзарныс йбжьаныкъвауа агвыпква рынхара тшауацIыхра айауитI. Асоциальна нхагIвчва арайонкви агород округкви руацIала кытта 75 рпны йнадзитI. ЦхърагIара йазыбжу рпроцент 85 айхIа акытква йбзазитI. Асквш 2021, сентябрь а 1 агIарбараквала зныбыжьла йнаскIьахьу йрыуата рпынква йшаъу цхърагIара здрадзауа 2479-гIв йнадзитI, гвжважвагIва цхърагIара – 1807-гIвы, йалапсу ацхърагIара квпшыраква – 104-гIвы. УыжвгIанчIви технология шIыцраква абзазара йаларжьуата ажвчIвква йапшым атерапия айъазараква йырхъырщтитI, рызгIвадара агъьчIвра йазынархата атренажер зал апны физкультура ддрычпитI. Зхъа ззынкъвгауа йнаскIьахьаз ауагIаква йгьи аныкъвадыкъваква абзазара йазрыму азыгIальаматра рчвымдзра, ажвлара йшрылу рылархIвара, гвщтIыхра рылазлара ахъазла тшъазыркIкIлауа «Клубы по интересам» швабыжта йгIарцхърагIитI. Аклубква йрылу 128-гIв йнадзитI. «АхIбачва рабанпара» республика проект апкъ йтата атажв-лыгажвква йызгIвадата йгьи йджьгарта сквшщарда шгIанырцIуаш йазынхауа ауысква адыргалитI. Асквш 2019, октябрь а 1 угIалагата сквш 65 йырхъысхьаз акыт бзазагIвчва диспансеризация йгьи рызгIвадара хьпшраква рыхъазла арайон йгьи агород згIвадарахчартаква йрыдызгалуа йайтыпауа абригадаква рынхара гьашIадрысуам. Амедицина цхърагIараква зымгIва хвыдъа йыддрадзитI. Ауат ауысква рыхъазла афедеральна бюджет ахчала йазалху 15 автомобилькI рхвгIатI. ХIызту асквш сентябрь а 1 агIарбараквала 8263-гIвы рызгIвадара дырхъвыххьатI. Ауи йахъазымкIва, асквш 2022 угIалагата зныбыжьла йнаскIьахьаз ауагIакви аныкъвадыкъвакви йапынкIылата заман ауыра ауацIа рхьпшрала апилот проект Къарча-Черкесгьи алалырныс рмурадпI. «Центр социального обслуживания населения» нхарта апны «Школа ухода за гражданами пожилого возраста и инвалидами» гIандыршатI, ауаъа 407-гIвы адрыпх