СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей Актуально Представители молочной отрасли КЧР могут принять участие  в Национальном Молочном Конгрессе   

АБХАЗКВИ АБАЗАКВИ ХIАДЫЗКIЫЛУА ГIАЦIЩТРАПI

03.11.2020 113
АБХАЗКВИ АБАЗАКВИ ХIАДЫЗКIЫЛУА ГIАЦIЩТРАПI
Абхазияла йгьи Къарча-Черкесла йберьгьльу ауагIаква йырзынархата ужвыгьи гIацIщтрак гIаншатI. Абхаз гIвгIвы, апрофессор БЕБИА Екатерина Георгий йпхIа лкнига «Дорога к вершине» гIацIцIтI. Ауи дгIазквчважвауа ажурналистика, анаука, арыпхьара йгьи ажвлара уыснкъвгара йырпщылу йгьи лхъатала аргваныта йылдырыз ауагIаква ракIвпI. АбзагIвраква жвасквшапхьадзара руацIа йылрыхIазырыз аудио йгьи видеоархивква рыцпI. Ауи лгIвыраква рфырква рынцIра-бзазара ауацIала баргвырата йгIазлысыз, рхIальква, руыс бзиква, рдахIвраква, рмурадква гIахъыртIитI. АгIвыраква йрыцу асуратква акнига дырбайитI, агIвычIвгIвыс йтурасы гIаугвындыргIвитI. Абхаз Республика йапхъахуз а-Президент Ардзынба Владислав, ауи йымщтахь Апсны унашва ахъызцIаз Багапш Сергей, агIвгIвы бергьльы Шинкуба Баграт, Абхаз къральыгIва университет аректор, академик Гварамия Алеко, акъральыгIва йгьи ажвлара уыснкъвгагIв Озган Константин, Абхаз Республикала гIатгара змаз асвязь анхагIвы Пилия Эдуард, асквшква 1972 – 1992 руацIала арыпхьарала Абхазия йаминистырыз Когония Тамара, Гудаута районла акоммунист партия акомитет 12 сквша йасекретарьыз, асквшква 1992-1993 руацIа Абхазия апхIвысква р-Комитет унашва ахъызцIуз Папба Юлия датшагьи щардагIвы йгIарыквчважвауа абзагIвраква, йырхъазымкIва ауат йырзынархата йапшым ауагIаква ргIагвалашвахраква Апсны ащаквыргылра шакIвшаз апхьагIв йдырдыритI. Акнига йаланакIтI «Три чудесных дня с братьями абазинами» гIвырагьи. Ауи апны Бебиа Екатерина цIыпх июль а 21 – 23 руацIа йаъаз абазаква ркультура-спорт фестиваль йалаз Апсны йгIатыцIыз агвып лахIварата йгIарыланацIаз, йырбаз, йыргIаз хIхаквлагIвчва шырпылыз дгIаквчважвитI. ЦIыпх ауат йапхъахуз амш йъадрайгваз Абаза хъвмарраква ъакIвшуз АлбыргIан кыт апны джькIахбастала йшгIарпылыз, йгIвбахауа амш «Абазашта» газет аредакция апны анйара джьащахъва йгьи КЧР йгIацIцIуа арахьарат ауагIахъа газетква ргIащтийыгIвчвагьи алата Багапш Сергей йхъмаштылра йазыналырхаз «Путь мудрости и мужества» книга апрезентация шакIвшаз, йхпахауа амш агIан абхазква р-Баракъ абазаква йшдыртлапIаз хвду аквылцIатI. Бебиа Екатерина лкнига апны йауацIыхта дгIарыквчважвитI лынцIрабзазара апны аргваныта дызднагалыз абазаква. Ауат йрыуапI Къарча-Черкес къральыгIва университет наука нхарала апроректор ПIаз Сергей, Адуней абхаз-абаза уагIахъа р-Конгресс ЙхIаракIу асовет аунашвачпагIв Эгьзакь Мусса, агIвгIвы, аэкономика наукаква рдоктор, асквшква 2004–2011 руацIа Лагъь КIавкIаз апны Абхазия Республика агIащтийыгIв Этлыхв Олег, «Абазашта» газет аредактор хъада Къвыл Фардауыс. Акнига апны аэкономика наукаква ркандидат, Адуней абхаз-абаза уагIахъа р-Ассоциация (МАААН) йавице-президентыз Гвана Муминат, КЧР-ла гIатгара зму ажурналист ЧкIала Георгий, датшагьи щардагIвы ргIачважвараква аншвалтI. Бебиа Екатерина йгIацIылщтыз акнига йапхьалакIгьи абхазкви абазакви хIадызкIылуа уагIа щарда йрабадыруаштI. Зыбызшва байу, згвы апхарала адуней шабгу кIвзыршара йащту агIвгIвы Бебиа Екатерина лыршIыйара йахагIвазу рыхъазла ари агIацIщтра йызкьазуу согIахатI. Ауи лгIвыраква йапхъахауата йызнапIыцIашвауа рыхъазла агIвгIвы лгвбайара йгьи лдунейпшыща гIахъызтIуа книгата йалуаштI.
113 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный