А Ь Р Е К Е Т К Е - КАНАГАТЛЫ БЕЛГИ

24 январьде республикамыз бойынша ишки ислер минист ерст восынынъ 2019 йылдынъ бойында бажарган куллыкларынынъ эм оперативлик-службалык аьрекетининъ тамамларын согувга багысланган коллегиясынынъ йыйылысы озды. Онынъ куллыгында Карашай-Шеркеш Республикасынынъ Басшысы Рашид Темрезов, республикамыз бойынша ишки ислер министрининъ борышларын толтырувшы Ансар Боташев, савытлы туьзилислердинъ етекшилери катнастылар. Респу бликам ыздынъ Басшысы оьз соьзинде беркиткенинше, республикамыз бойынша ишки ислер министрининъ борышларын толтырувшы Ансар Боташевтинъ етекшилиги мен КЧР бойынша МВД-сынынъ оьзлик туьзилисининъ бажарган оперативлик-излев, профилактикалык аьрекетлик, ямагатшылык йорыкты аьжетсизлев бойынша куллыклардынъ тамамлары кувандырадылар. Р. Темрезовтынъ белгилегенине коьре, право йорыклык органлары ман озгарылатаган оперативлик-профилактикалык эм оперативлик-излев амалламалары аркалы 2018 йыл ман тенълестиргенде терроршылык эм экстремистлик йоьнелисли кыянатлыклардынъ саны кемиген. Оьзликке карсы авыр эм боьтен де авыр кыянатлыклардынъ санынынъ тоьменлеви де сезиледи. - Мен йолларда туьзилген аьллерди белгилер эдим. Йол сапатлыгын ийгилендируьвге де, «Кавыфсыз кала» туьзилисин эндируьвге де карамай, йолларда аьллер авыр болып каладылар. Аьдемлер оьледилер... Ямагатшылык йорыкты эм яшавшылардынъ кавыфсызлыгын саклавды аьжетсизлев бойынша ортак борышлар ман биргесине йол баьле-казаларды кемитуьв ювыктагы заманга маьнели борышлардынъ бириси болады, - деди КЧР Басшысы Рашид Темрезов. Сонъ ведомстводынъ куллыгы акында А.Боташев хабарлады. - Полициядынъ оькиметлик власть, ерли оьзлик басшыланув органлары ман, кавыфсызлык эм право саклав туьзилислери мен белсинли байланысувы аркалы Карашай-Шеркеш Республикасында тынышлык, тебенлик, аьруьв инвестициялык ава эм тынышлы ямагатшылык-политикалык аьл туьзилген, - деди министрдинъ борышларын толтырувшы А.Боташев. - Сол затка экстремизм ге эм терроршылыкка белсинли карсылык этуьв себеп эткен. Республикамыздынъ Басшысы Рашид Темрезовтынъ басшылыгы ман терроршылыкка карсы комиссия да куллыкты белсинли бажарады. Озган йылда он алты административлик материал ашыкланган эм судлык аьлде тергелген. Терроршылык йоьнелисли он сегиз эм экстремистлик йоьнелисли бес кыянатлык регистрацияланган. Отчетлы болжалдынъ Коллегиядынъ куллыгыннан ишинде терроршылык эм экстремистлик аьрекетликти финанславдынъ доьрт факты ашыкланган. 87 профилактикалык амаллама озгарылган. Олардынъ баьрисинде савлайы 11 мынънан артык аьдем катнаскан. Наркоманлыкты, наркокыянатлыкты яйылдырувга карсылык этуьвде республикалык наркотиклерге карсы комиссия ман байланысув уйгынланган. Комиссиядынъ куллыгы регионымызда наркотиклерге карсы аьрекетликти белсинлендируьвге каратылган. 2019 йылда сондай кыянатлыклар коьлем санда ашыкланганлар эм регистрацияланганлар. Законсыз айланыстан 55 килограммнан артык наркотик затлары тартылып алынганлар. Сонынъ санында 4 килограмм героин. Айтпага, сары тамбыз айында республикамыздынъ эм Россиядынъ баска регионларында таралтув ман каьрлейтаган уьш уйгынланган кыянатлык куьптинъ аьрекети токтатылган. Москвада эм Карашай-Шеркеш Республикасында ысланган кисилерде доьрт килограммга ювык героин тартылып алынган. «Лирика» эм «Тропикамид» дарман препаратларын рецептсиз таралтувдынъ он эки факты ашыкланган. Сол фактлар бойынша административлик право бузувлар акында он протокол туьзилген эм эки уголовлык ис козгалган. Законсыз айланыстан 150 дарман препаратлары тартылып алынганлар. Балаларды никотиннинъ зарарыннан эрек тутув мыратта 2019 йылдынъ сонъында Карашай-Шеркеш Республикасында Россияда энъ биринши болып ясларына толмаганларга шайнав карысыкларын сатувга тыйгынлык салув акында закон алынган эм оны бузувшыга яваплык карарланган. Закон аьрекетлеп баслаган, полиция, регионлык эм муниципал власть органлары арасында байланыс туьзилген. (Со