Ямагатшылык палатага – 10 йыл

Москвада Россиядынъ Президенти Владимир Путин Россиядынъ Ямагатшылык палатасынынъ 10 йыллыгы ман байланыста пленарлык йыйылыс озгарды. Федераллык Ямагатшылык палатасынынъ катнасувшыларыннан баска болып, Кремльге Россиядынъ 84 субъектиннен регионлык Ямагат-шылык палаталарынынъ элшилери де шакырылган эдилер. Йыйылыста Ка-рашай-Шеркеш ериннен Ямагатшылык палатасынынъ агзасы Азамат Тлисов эм Карашай-Шеркеш Ямагатшылык пала-тасынынъ басшысы Вера Молдованова катнастылар. «Озган йыллардынъ бойында уьйкен сулып йыйылган, коьплеген баславлар, энъ алды ман аьдемлердинъ яшавын ийгилендируьвге, бизим кы-ралды оьрлендируьвге каратылган баславлар таралтылганлар», – деп белгиледи оь-киметтинъ Басшысы. «Российская газета» билдиргенин-ше, сол заманнынъ бойында Ямагатшы-лык палатадынъ баьленше туьзилиси авыскан. Энъ маьнелиси – ыз-ызлылы, ийги табынышлар бар эм палатадынъ сыйы да оьседи, деп санайды Владимир Путин. «Ол Ямагатшылык палатадынъ кепленуьвининъ энъ сенимли берки-туьви болады, онынъ тутатаган орыны ман, ойтоктаслары ман, ойлары ман эм экспертлик бирлесуьв де эм властьтинъ элшилери де санаспага керекли бола-дылар эм санасадылар», – дейди ол. «Сиз аьрекетлейтаган тармакта туьрли маьселелер болганлар эм сак-ланадылар. Олар эм миллетлер ара катнасларды оьрлендируьв эм корруп-цияга карсы аьрекетлев, экология, ден савлыкты саклав, культура, билимлен-дируьв соравлары боладылар», – деп Президент тизип шыкты. Ямагатшылык палатадынъ куллыгы-нынъ оьзге якларын коьрсете келип, Владимир Путин эсти ямагатшылык куллыктынъ маьнелигине эм яваплыгына каратты. «Ямагатшылык куллык – ол ыхтыярлы ис. Ол ийгиликлер де, льгота-лар да бермейди, ама уьйкен яваплык-ты талаплайды», – деди оькиметтинъ басшысы. «Эм сол исти юрек шакырувы ман эм борышым, деп толтырадылар», – деди ол.