РФ-ны Президентини май указларын толтуруу бла байламлы Къарачай-Черкес Республиканы саулукъ сакълау санагъатында ишлеген 7000-нге джууукъ адамны иш хакъы кёлтюрюллюкдю. Сёзден, 2017-чи-2018-чи джыллада багъыу учреждениелени врачларыны, гитче эмда орта медицина персоналны айлыкъларын ёсдюрюуге эс бёлюннюкдю.
- РФ-ны Президентини май указларын джашаугъа сингдириу бла байламлы быйыл врачланы, медсестраланы, санитаркаланы джалларын кёлтюрлюкбюз. Бу иш бир ызгъа этиллик тюлдю – кёзюу-кёзюую бла тындырыллыкъды, - дегенди КъЧР-ни саулукъ сакълау министри Шаманланы Казим.
Айтыргъа, КъЧР-ни Экономика ёсюмюню министерствосу билдиргеннге кёре, бюгюнлюкде ортача регионда иш хакъ 18588 сомду. Алай бла, 2017-чи джыл врачланы айлыкълары 180 процентге, орта медицина къуллукъчуланы 90 процентге, гитчелени да 80 процентге ёсерикдиле.
Медиклени джалларын 2018-чи джыл да кёлтюрюр иннет барды.
Комментарии