150 сабий орунлу боллукъду

Быйылны ахырына Къарачай-Черкесияны Зеленчук районунда Сторожевая станседе 150 сабийге джораланнган садик эшиклерин кенг ачарыкъды. Бюгюнлюкде Сторожевая станседе сабий садха джоралаб алгъыннгы совхозну мекямын джангыртыу тири бардырылады. Джангы социал объектни площады 1800 квадрат метр боллукъду. Къурулушчула ишлерин бошаргъа ол мекямны ичинде сабийлени школгъа хазырларгъа не керек да боллукъду. Бусагъатда анда алагъа джукъларгъа, ойнаргъа, музыка бла кюреширге  бёлмеле хазыр этиле турадыла. Ол джарашдырылыб бошалса, ары 150 сабий, 7 къауумгъа юлешиниб, джюрюрюкдю.