Карашай-Шеркеш Республикасыннан Исмаил эм Фа- ризат Черкесовлар «Йылдынъ аьели» Савлайроссия- лык конкурсынынъ «Аьел – аьдетлерди саклавшы» номинациясында енъуьвши болдылар. Конкурстынъ уйгынлавшылары Россиядынъ ис эм соци- аллык коршалав министерствосы эм авыр яшарлык аьлде болган балаларды демевлев Фонды болдылар. Савлайроссиялык конкурсынынъ туьрли номинацияла- рында уьшин Карашай-Шеркеш Республикасыннан 5 аьел катнасты. Олар «Коьп балалы аьел», «Яс аьел», «Росси- ядынъ алтын аьели», «Аьел – аьдетлерди саклавшы» деген номинация-лар болдылар. Конкурстынъ уйгынлавшы коми- тетининъ токтасы ман 85 аьелден туьзилген енъуьвшилер тизбеси белгиленди. Савлайроссиялык конкурсынынъ тамамлары бойынша «Йылдынъ аьели. Россия-2017 йыл» деген Сый китабы баспаланаяк. Сондай болып, РФ субъектлерине Савлай- россиялык конкурстынъ федераллык шеригинде катнаскан аьеллерге шаатламалар йиберилееклер. Эске салайык, озган 2016 йылда бу конкурста Прикубан районыннан Шоевлердинъ аьели енъуьвши болган.

Читайте также
ФЕДЕРАЛЛЫК МИНИСТЕРСТВО Д Е М Е В Л Е Й Д И
01.02.2019
217
соьздинъ УСТАЛАРЫН ОЬРМЕТЛЕВ
01.02.2019
248
Получайте свежие новости на электронную почту
Комментарии