Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

З е г е н л и а к т е р – б изи м ю р т ы м ызд а

20.11.2018 344
З е г е н л и а к т е р – б изи м ю р т ы м ызд а
КЧР Басшысы Рашид Темрезов юртымызга патриотлык программа ман келген Василий Лановойга “Карашай-Шеркеш Республикасынынъ сыйлы артисти” деген атты савгаладыОзган юмадынъ ызында Карашай-Шеркеш Республикасынынъ Басшысы Рашид Темрезов СССР халк артисти Василий Лановой ман йолыгысты. Василий Семенович Карашай-Шеркеш Республикасына “Алаллык уьшин савболынъыз, асабалар” деген ямагатшылык-патриотлык акциядынъ етекшиси эм “Россиядынъ оьлимсиз полкы” ямагатшылык козгалысынынъ сопредседатели кепте келди. Юма эртеси куьн ол Уллы Аталык кавга темасына моноспектакль коьрсетти. Айкасувдынъ барысында Василий Семенович кавгадынъ темасы онынъ яшавында не зат уьшин сондай уьйкен орынды тутатаганы эм сол зат акында яс-явка ман йыйы соьйлеспеге керек деп не зат уьшин ойланатаганы акында айтты. Регионнынъ етекшисининъ белгилевинше, актердынъ баьри де спектакльлери, кинодагы рольлери ашык эм алал боладылар, олардынъ баьрисинде де тувган Элге уьйкен суьйим сезими коьринеди. Сонынъ уьшин де Василий Семенович пен айкасув, онынъ яратувшылыгына коьз салув аьр дайым да куьшли сезимлерди тувдырады. Рашид Темрезов Карашай-Шеркеш Республикасынынъ баьри яшавшыларынынъ атыннан Василий Лановойга бизим юртымызга келгени, онынъ рольлери, юргистетаган ямагатшылыкпатриотлык куллыгы уьшин муьсиревин билдирди эм “Карашай-Шеркеш Республикасынынъ сыйлы артисти” деген оьрметли атты савгалады. “Биз Сизинъ яратувшылыгынъызды бек сыйлаймыз. Эм бу оьрметли ат сол сыйлавдынъ тек бир кишкей кесеги болады. Сиз оьзинъиздинъ актер куллыкларынъыз бан бизди аьле коьп йылларды кувандырып тураягынъызга берк сенемен. Олар белгили “Офицеры” фильминдеги рольдей зегенли болаяклар деп билемен”, – деди Карашай-Шеркеш Республикасынынъ Басшысы. КЧР Басшысынынъ эм Правительствосынынъ пресс-службасы. Псыж авылынынъ Маданият уьйинде Замахщари Кунижевтинъ сыйына эстелик тактасы ашылды. Ол Карашай-Шеркеш ериннен биринши болып Совет Союзынынъ Баьтири деген атка тийисли этилген. «Россиялык аьскершилик-тарыйх ямагатшылыгынынъ демевлеви мен бизим тагы да бир ердесимиздинъ – Карашай-Шеркеш ериннен биринши Совет Союзынынъ Баьтири Замахщари Кунижевтинъ аты оьмирлендирилди. Тувган Элинде Псыж авылынынъ Маданият уьйинде онынъ сыйына эстелик тактасы салынды. Амалламадынъ барысында Замахщари Османовичтинъ сыйына йылы соьзлер айтылдылар. Йыйылганлар кавга йылларында онынъ коьрсеткен эрлигин эм баьтирлигин, тынышлы заманларда белсинли яшав орынды тутканын эске туьсирдилер. Соьлеге дейим де тек онынъ авылдаслары тувыл, а республикадынъ мынълаган яшавшылары да Замахщари Османович – баьтир, куьшли аьдем, тувган ерининъ эм оьз кыралынынъ шынты патриоты акында эсти саклайдылар», – деп КЧР Басшысы Рашид Темрезов оьзининъ Инстаграмдагы официаллы акаунтында язган. Эстелик тактасын ашувда Абаза муниципал районынынъ администрациясынынъ басшысы Мухаджир Ниров, район эм авыл администрацияларынынъ элшилери, КЧР-дынъ ветеранлар советининъ агзалары, Псыж авылынынъ яшавшылары, Кунижевлердинъ тукымы катнастылар. Амалламада Мухаджир Ниров соьйледи. Ол сосы амалламадынъ маьнелигин эм Замахщари Кунижевтинъ аты эсте сакланаягын белгиледи. Абаза муниципал районынынъ раис-имамы Анзор Апсов дува эттирди. Эстелик тактасын Абаза муниципал районынынъ администрациясынынъ басшысы Мухаджир Ниров эм Совет Союзынынъ Баьтирининъ кызы Аминат Кунижева аштылар. Амалламадынъ ызында онынъ катнасувшылары бир такыйкалык уьндемев мен баьтирлердинъ, кавгадынъ катнасувшыларынынъ баьрисине сый эттилер, эстелик тактасына шешекейлер салдылар. КЧР Басшысынынъ эм Правительствосынынъ пресс-службасы. З е г е н л и а к т е р – б изи м ю р т ы м ызд а К
344 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный