Асквш 2018, ноябрь
а 13 Псыжв кыт йапхъахауа
Гимназия апны ВИЧ
ашIашIкIгIара згIва гIашIакIрала
амальква йъарылачважваз
«Равный
обучает равного» акция
акIвшатI. Ауи йалан арыпхьагIвчва,
акласс ахIбачва
рапхьагIвчва, арайонла
йаныргIалу апхьартаква
рволонтерква.
СПИД абакIрала ареспублика
квта апсихолог
Колесникова Елена чкIвыныргIа
лекция дрызгIапхьатI,
авидеороликква
гIалырбатI, апхьагIвчва
гIаланакIуата тренинг акIвлыршатI.
Ареспублика наркология
диспансер апсихолог
Дмитриева Инна
йызгIваду бзазара йазынарху
айчважвара адылгалтI,
анаркотикква агIвычIвгIвыс
ймахъащахъа зарарта
йрызгIанагуа йгIаквчважвауа
фильм йалырпшытI.
АгIашIакIра амальква
ракIвыршара йагIаджвыквцIагIвхаз
Абаза муниципальна
район арыпхьагIвчва
апхьагIвчва рыхъазла
ауи магIын ду шаму
гIалыркIгIатI. ЧкIвыныргIа
«Береги свое здоровье!»,
«Защити себя и близких!»,
«5 шагов, чтобы остановить
ВИЧ» буклетква рыларшатI.
Абаза район апхьартаква
рволонтерква ужвы
ВИЧ апшIагылрала ашварагIварадара
амальква
рыквлагIвчва йрызрахIвуаштI,
алекциякви айчважваракви
рзадгалуаштI.
Получайте свежие новости на электронную почту
Комментарии