Къарачай-Черкес Республиканы Башчысы Темрезланы Рашид Хубийланы Елизаветаны юч эгиз джашчыкъ табханы бла алгъышлагъанды.
Быллай ашхы иш бизни республикада арт джети джылны ичинде биринчи кере болгъанды.
Къарачай-Черкес Республикада джашагъан Хубийланы Елизавета джангы джылны аллы бла юч эгиз джашчыкъ табханды. Бизни республикада Елизавета болмаса джети джылдан аслам заманны ичинде быллай «джигитлик» этген ана джокъду.
«Джангы джылны аллы бла къууанч хапар келгенди. Таза джюрекден бу ашхы иш бла Хубийланы Елизаветаны, Дауутну къызын, эмда аны юйдегисин алгъышлайма.
Дуниягъа джаратылгъан юч джан да джашчыкъладыла. Джети джылдан бери Къарачай-Черкесияда была болмасала юч эгиз сабий туууб билмейме.
Хубийланы Елизаветаны, Дауутну къызыны, ары дери да юч сабийи болгъанды: 12 джыл болгъан Милана, 10 джыл болгъан Алина эмда юч джыл болгъан Тимур. Бу сабийле джангы туугъан къарнашчыкъларына бек къууаннгандыла эмда аланы юйге чыгъарыкъларын ашыгъыб сакълайдыла. Юйдегини да, сабийлени да алгъышлайма. Джангы туугъанла саулукълула, насыблыла болсунла. Аталары бла аналары туугъанларындан эсе джашагъанларына къууансынла», - деб джазгъанды Инстаграмда кесини аккаунтунда КъЧР-ни Башчысы Темрезланы Рашид.
Комментарии