ЙИГИТЛИГИ МЕН ОЬРМЕ

Янъыларда Карашай-Шеркеш Респуб- ликасынынъ Басшысы Рашид Темрезов республикамыздынъ калаларыннан эм районларыннан Уллы Аталык кавгасынынъ ветеранлары ман йолыгысты. Сол йолыгыс- та бизим ердесимиз, Икон-Халк авылыннан сыйлы ясы уьйкен Якуб Абдулович Карасов та катнасты. Рашид Бориспиевич Уллы Аталык кавгасынынъ катнасувшыларын Енъуьв куьни мен кутлады, оларга берк ден савлыкты, узак оьмирди сагынды. Кавгадынъ йоллары ман тек кыралы- мызды тувыл, аьле Европа кыралларын да босатувда катнаскан Я.А.Карасов сол йылларда коьрсеткен йигитлиги уьшин Уллы Аталык кавгасынынъ 2 дережели ор- дени мен, «Йигитлик уьшин», «Германияды енъуьв уьшин», «Венады алув уьшин», «Прагады босатув уьшин» деген, Енъуьв- динъ мерекелерининъ медальлери мен савгаланган. Биз, «Ногай давысы» газетасынынъ куллыкшылары, оьзимиздинъ эм баьри окувшыларымыздынъ атыннан бизге эркин яшавды савгалаганлардынъ бириси, сыйлы ветеран Якуб Абдулович Карасовка берк ден савлыкты, узак оьмирди, берекетти эм онъайлыкты сагынамыз.