«ЯЗГВЙЫ, ЙРЙМЙТУРГ, ЙЦЕМ п

С .П .Н и к у л и н ат л ы р е с п у б л и ­ кал ы к балалар библиот екасы нда «Язувш ы , драмат ург, аьдем » деп аталып, РФ язувшылар Союзынынъ агзасы , А бхаз А С С Р -ны нъ сы йлы арт ист и, К Ч Р эм КБ Р саният ларынынъ сы йлы аьрекет ш иси, КЧР Х ал к язувш ы сы , ш еркеш т еат ры - нынъ негизин салувш ы эм реж иссеры М ат алио Умарович Абдоковтынъ 80 йы ллыгы на багы сланган йолы гы с-кеш лик озды. Йолыгыста М.Абдоковтынъ йолдасы, узак йылларды «Черкесхэку» эм «Ногай давысы» газеталарында корреспондент-дурбатшы болып куллык эткен Назир Идрисов катнасты. Йолыгыска келген Черкессктинъ 7 номерли мектебининъ 5-9 классларынынъ окувш ылары мерекешидинъ яшавы эм оьнершилиги акында электронлы презентацияды карадылар. Маталио Абдоков 1938 йылдынъ 26 июнинде тувган. Ол Ленинградты нъ А.Островский атлы театр, саз эм кино оькиметлик институтын, 1975 йылда Луначарский атлы ГИТИС-те йогары режиссерлык курсларды окып кутылган. Маталио Умарович савлай республикадынъ театр оьнершилигининъ оьрленуьвине эм, бас деп, шеркеш миллет драма театрынынъ туьзилуьвине сезимли косымын киргисткен. Режиссер кебинде театрда куллык эткен заманынынъ бойында, ол орыс, тыс кыраллар эм ерли авторлардынъ пьесалары бойынша туьрли жанрлы 150 спектакльди салган. 1988 йылдан 2006 йылга дейим М.Абдоков республикалык шеркеш драма театрынынъ директоры болган. Амалламадынъ барысында «Стреляющие горы» эм «Колокол священной кузни» художестволы фильмлерден, «Пират-сладкоежка» эм «Лиса охотница» спектакльлериннен уьзиклер коьрсетилдилер. М.Абдоков туьрли тематикалык ятлавлар окыды. Балалар М.Абдоковтынъ соьзлерине эм Заур Магомедовтынъ сазына йырды уьйкен кызыксынув ман тынъладылар. Амалламага М.Абдоковтынъ оьнершилиги бойынша китаплар-иллюстрациялык выставка да аьзирленген эди., Йолыгыстынъ ызында балалар конакка коьплеген соравларын бердилер. Мерекеши оларга уьйкен суьювлик пен яваплады эм балаларга йылы сагынувларын, насыйхат соьзлерин айтты. Амалламадынъ ызында М.Абдоковка библиотекадынъ коллективининъ атыннан хошлав адрес окылып эситтирилди.