Ясы уьйкенди кутлав

Сосы куьнлерде, 21 сентябрьде, Икон-Халк авылынынъ яшавшысы Фатима Галимовна Най- манова оьзининъ сыйлы мерекесин – тувганлы 90 йыллыгын белгиледи. Савлай яшавын куллыкка, аьелине багыслап келген ясы уьйкен аьейди мерекеси мен кутламага Ногай муниципал район администрациясы- нынъ басшысы Энвер Керей- тов, Эркин-Шахар поселогы- нынъ администрациясынынъ басшысынынъ борышларын заманлыша толтырувшы Рустам Бирабасов эм Икон- Халк авыл администрация- сынынъ басшысы Беслан Китаев келген эдилер. Ногай район админис- трациясынынъ басшысы Энвер Керейтов мерекешиге Россия Федерациясынынъ Президенти Владимир Пу- тиннинъ кутлав хатын окып эситтирди, Карашай-Шеркеш Республикасынынъ Басшы- сы Рашид Темрезовтынъ атыннан эстеликли савгады берди, сыйлы аьей Фатима Галимовнага берк ден сав- лыкты, узак оьмирди, коьп ийгиликлерди сагынды. Ф.Г.Найманова да ко- накларга оьз муьсиревин билдирди. Сыйлы аьей яша- вынынъ коьплеген йылларын ерли колхозда, совхозда ислеген, сонъ совхоздынъ балалар бавында да казан- шы болып куллык эткен. Ол оьзининъ ян досы ман бирге уьш кызды эм бир улды оьстирген, оларга ийги тербия берген. Куллыксуьер- ликте, алаллыкта оьскен ба- лалары да яшавда оьз орын- ларын тапканлар, уьйли, аьелли болганлар. Соьлеги заманда сыйлы аьей бавда аьдуьвленип оьстирилген шешекейлердей аявлы 11 йиенининъ эм 16 йиеншери- нинъ етимислерине куванып яшайды. Биз де ясы уьйкен аьейге берк ден савлыкты, коьп ку- ванышларды, узак оьмирди сагынамыз.