13 ноябрьде Карашай-Шеркеш Республикасынынъ Басшысы Рашид Темрезов Керуьв-Кавказ федера ллык округын оьрлендируьв бойынша Правительстволык комиссиясынынъ йыйылы сында катнасты. Оны Россиядынъ премьер-министри Дмитрий Медведев озгарды. Йыйылыста Правительстводынъ Председателининъ орынбасары Александр Хлопонин, СКФО-да РФ Президентининъ ваькил элшиси Лев Кузнецов, ден савлыкты саклав министри Вероника Скворцова, билимлендируьв эм илми министри Дмитрий Ливанов, энергетика министри Александр Новак, авыл хозяйство министри Александр Ткачев, бир кесек федераллык туьзилислердинъ эм регионлардынъ басшылары катнастылар. Йыйылыстынъ катнасувшылары СКФО-да демографиялык аьлди эм ден савлыкты саклав тармагынынъ оьрленуьвин тергедилер. Йыйылысты аша келип, Д.А.Медведев медицинадынъ сапатлыгын оьстируьв бойынша бир кесек амалларды белгиледи. Ол демография ман байланыслы аьлдинъ ийги якка туьрленуьви акында айтты. СКФО бала тувувынынъ оьлшеми эм яшав узаклыгынынъ коьрсетими йогары болган регион депсаналады. Ама балалар оьлуьвлерининъ оьлшеми 14 процентке тоьменлеген болса да, федераллык округлары бойынша бу коьрсетим йогары болып калады. Экинши маьселе – кадрлык соравы. – Округта специалистлер – педиатрлар, балалар онкологлары, психиатрлар, фтизиатрлар, кардиологлар етиспейдилер. Толысынша, Керуьв Кавказда врачлар ман аьжетсизленуьв ортароссиялык коьрсетимнен тоьмен. Сондай аьл орта медициналык персонал ман да туьзилген, – деди Правительстводынъ Председатели. Аьлди туьрлендируьв уьшин Премьер-министр регионлардынъ басшыларына медициналык окув отанларынынъ выпускниклери мен куллыкты ийгилендирмеге, оларда Кавказда ислеп калмага уьмитти тувдырмага, оьзге регионлардан специалистлерди шакырмага ой этти. Д.Медведев белгилеген тагы да бир маьселе – ол пациентлерди бир кесек, сонынъ санында авырувды тоьменлететаган, дарманлар ман аьжетсизлев. – Энъ бас деп ол онкология ман байланыслы. Озган тогыз айдынъ билдируьвлерине коьре, Керуьв Кавказда маразлылардынъ тек 18 проценти сондай дарманларды алган. Соьзсиз де, аьл осал. Акша сондай программаларга етиспесе де, дарманлар ман аьжетсизлев маьнели эсаплар-дынъ бириси болады, – деди Д.Медведев. Ол Россиядынъ ден савлыкты саклав министри Вероника Скворцовага тийисли токтасларды алмага тапшырды. В.Скворцова бир кесек санларды келтирди. Онынъ айтувынша, 2014 йылда округта йогары технологиялы ярдамды 25 мынъ аьдем алган, ол 2013 йылдагыннан 3 процентке коьлем. Быйылдынъ тогыз айынынъ ишинде – 19 мынъ аьдемге ярдам этилген, балавларга коьре, йылдынъ сонъына дейим – 28 мынъ аьдемге ярдам этпеге карарланады. Йыйылыста субъектлердинъ басшылары ден савлыкты саклав тармагын ийгилендируьв бойынша оьз ойларын билдирдилер. Суьйтип, КЧР Басшысы Р.Темрезов регионларда тезлик ярдам коьликлерин янъыртув эм автопаркты оьстируьв акында ойды билдирди. Правительстводынъ Председатели бу соравды шешуьвде демев этпеге соьз берди. Ол яшавшылардынъ ден савлыкларын саклавга терен эс этпеге кереги акында айтты. Источник: riakchr.ru Предыдущая новость 1412 просмотров Следующая новость Читайте также КЫСКА АЬЗИРЛИК ТЕРГЕЛДИ 08.12.2015 302 ЕР Д ЕС Л ЕР И М И З ГЕ - М ЕРЕКЕЛ И С ЕРТИФ И КАТЫ 19.07.2019 262 Получайте свежие новости на электронную почту Подписаться Комментарии Написать
Комментарии