ЯШАВШЫЛАР МАН ТАР БАНЛАНЫСТЫ ТУЬЗУЬВРЕ • ЭС

Янъыларда КЧР Ямагатшылык палатасында «КЧР бойынша МВДдынъ право саклав органларынынъ эм яшавш ы ларды нъ биргелес ислесуьвлери-.практика эм келеекке эсаплар» деп аталган тоьгерек стол озды. Онынъ куллыгында МВД министрининъ орынбасары Александр Середа, министерстводагы Ямагатшылык советтинъ председатели Ахмат Байрамуков, службалардынъ эм ведомстволардынъ элшилери катнастылар. Тоьгерек столдынъ катнасувшыларына каратылган кирис соьзи мен КЧР адвокатлык палатасынынъ президенти, КЧР Ямагатшылык палатасынынъ ямагатшылык коьз салув бойынша комиссиясынынъ председатели Руслан Кубанов соьйледи. Ол право саклав органларынынъ эм яшавшылардынътар байланыста ислесуьвлерининъ эм право бузувларды профилактикалавда эм болдырмавда гражданлык ямагатшылыгынынъ маьнесин белгиледи. Ишки ислер министрининъ орынбасары А лександр Середа оьзининъ соьзинде булай деп белгиледи: «Право саклав органларынынъ гражданлык ямагатшылык институтлары ман право бузувлар ман куьресуьвде, ямагатшылык кавыфсызлыкты аьжетсизлевде, яшавшылардынъ праволарын эм эркинликперин коршалавда биргелес ислесуьвлери - ямагатшылык-политикалык маьнеси болган эсап. Соны ман биргесине сондай биргелес ислесуьвдинъ оьлшеми бир яктан басшылав аьрекетликтинъ оьлшемин касиетлейди, баска яктан гражданлык ямагатшылыгынынъ оьрленуьвининъ бас белгиси болады. Неге десе право саклав органлары ман биргелес ислесуьв аркалы ямагатшылык куьплесуьвлерге оьз законлык пайдаларын яшавга эндируьвге, ямагатшылык коьз салувды толтырувга косымша амаллары туьзиледилер. Яшавшылар ман тап сондай пайдалы айкасув уьшин КЧР бойынша МВД-да эм районларда онынъ юртлык боьликперинде Ямагатшылык советлер туьзилгенлер эм белсинли аьрекетлейдилер. МВД-да Ямагатшылык советтинъ председатели Ахмат Байрамуков оьзининъ соьзинде булай деп белгиледи: «Биз полиция эм республикадынъ яшавшылары арасында пайдалы биргелес ислесуьв йолын бардырамыз. Пайдалы соьйлесуьвди туьзуьв уьшин советтинъ агзалары маьнели темалар бойынша тоьгерек столларды, йолыгысларды, брифинглерди уйгынлайдылар эм озгарадылар. Олар республикалык СМИ-лерде кенъ яйылдырыладылар. Ведомстводынъ басшылыгы озгаратаган яшавшыларды йолыгып алувда, ишки ислер органларынынъ аттестациялык комиссияларынынъ йыйылысларында дайымлы негизде катнасадылар, кыянатлыкты болдырувда шекленилетаган-шуьшленетаган кисилер уьшин заманлыша изоляторды йоклайдылар. Мунда туьзилген аьллер мен танысадылар. Совет озгаратаган куллыктынъ оьлшеми айлакуьйкен, оны ман КЧР бойынша МВД сайтында таныспага болаяк. Оннан сонъ, КЧР бойынша МВД-дынъ официаллы сайтын презентациялав озды. Уьш такыйкага созылган роликте яшавшыларга полиция куллыкшыларынынъ телефонларын излемеге заманларын йибермеске болаягы коьрсетилди. Сайтта савлай керекли справкалык билдируьв бар, ол дайым тергеледи эм янъыртылады. Право саклав органларынынъ эм яшавшылардынъ биргелес ислесуьвлерининъ кеплери эм йосыклары акында тоьгерек столдынъ оьзге катнасувшылары да айттылар. КЧР прокуратурасынынъ боьлик басшысы Али Хубиевтинъ белгилевинше, ишки ислер министерствосынынъ озгаратаган аьрекети йогары оьлшемде калады, ама яшавшылардынъ право саклав органлары ман ислесуьвлери ийгиленуьвди талаплайды. «Яшавшыларда ишки ислер органлары ман биргелес ислесуьвдинъ культурасы йок. Коьплер касында кыянатлык болдырылатаганын коьрмейдилер яде коьргилери келмейдилер. Районларда ямагатшылык аьрекетшилер мен яшавшыларды праволык ярыкпандырувды озгармага, яшавшыларга полиция ман биргелес ислесуьвди туьзбеге кереги акында анълатпага керек деп ойлайман. Сондай праволык ярыкландырув исине тоьгерек столдынъ катнасувш ылары да кириспеге керекпер». КЧР Ямагатшылык палатасынынъ председатели Вера Молдованова КЧР бойынша МВД басшылыгына оьз ыркпык халк дружиналарын янландырмага ой этти. «Праволык йорыкты сакпавга яс-явка ямагатшылык организацияларынынъ агзаларын, волонтерларды, студентлерди тартпага тийисли. Оннан баска мэрияга дружинникперди социаллык демевлев акында соравды каратпага керек», - деди Вера Михайловна. Черкесск мэрининъ орынбасары Артур Озов Черкесск бойынша Россия МВД боьлигине транспорт пан етуьв акында соравды ашыклады. «2019 йылдынъ 31 январиннен алып Усть-Джегута бетке баратаган йолда Черкессктинъ кубыла шетине автобуслык маршрут узайтылган», - деп анълатты А.Озов. А м аллам ада право саклав органларынынъ эм яшавшылардынъ биргелес ислесуьвлерин ийгилендируьв бойынша ойлары ман КЧР Ямагатшылык палатасынынъ агзасы, «Къарачай Алан Халкъ» ямагатшылык организациясынынъ басшысынынъ орынбасары Сулейман Боташев, КЧР ОНК председатели Фатима Тоторкулова, РФ Следствиелик комитетининъ КЧР бойынша С ледствиелик управлениесининъ басшысынынъ тамада ярдамшысы Сергей Шуваев боьлистилер. Тергелген соравлардынъ тамамларын Руслан Кубанов сокты, ол баьри пайдалы ойлар тергелерлер эм ишки ислер органларынынъ аьрекетлеринде орын табарлар, деген сенимлигин билдирди.