Петербург филармонием и художественнэ унафэщI Темыркъан Юрэ хуагъэфэщащ Японие къэралым и нагъыщэ нэхъ лъагэ дыдэхэм ящыщ зыр — «Орден Восходящего солнца». Маэстром зыкъызэримыусыжымкIэ, апхуэдэ гулъытэ ин къыхуащIыну и гугъакъым. ИкIи абы Япониер къэрал гъэщIэгъуэныщэу къелъытэ. Темыркъаным орден къыхуагъэфэщар Iэрагъэхьэжащ Санкт-Петербург деж. Сыту жыпIэмэ, Японием и хабзэхэмкIэ, апхуэдэ нагъыщэр зыхуагъэфэщам здратыжыр зыхуагъэфэщар зыщыпсэу щIыпIэм дежщ. Ди лъэпкъым къыхэкIа дирижёр цIэрыIуэм нагъыщэр къыхуигъэфэщащ Японием и Генеральнэ консулу Санкт-Петербург щыIэ Ямамура Ёсихиро. ЖыIэпхъэщ, Темыркъан Юрэ Японие къэралым кIуэрейуэ зэрыщытыр. Абдеж филармонием и симфоническэ оркестрым е япон гупхэм я гъусэу зыкъагъэлъагъуэ. Апхуэдэу, 2014 гъэм иужьрейуэ щыIа гастроль турым Токио, Иокогама, Нагое, Фукуоке, Осако къалэхэм деж концерт пэш инхэм цIыхухэр щIэзу къеблэгъащ. — Мы орденым сыщогуфIыкI. Мыпхуэдэ нагъыщэ лъагэр сыт хуэдэ музыкантымкIи гуапэщ. Ауэ сэркIэ гуапэ дыдэр Япониер фIыуэ зэрыслъагъурщ. Гулъытэ ин къысхуащIам теухуауэ фIыщIэ яхузощI императорым и мызакъуэу, музыкантхэми. Нагъыщэ къысхуагъэфащэхэр филармонием и окрестрми ехьэлIащ, — къыхигъэщащ Темыркъаным. КъинэмыщIауэ, Юрэ жиIащ Японием и щэнхабзэри и хабзэри зэрихъумэжыфар, ар «къэрал щхьэхуэу» къызэрынэр. — Псом хуэмыдэу, сэ сфIэфIщ, дауэ мыхъуами, японцхэр японцу къызэрынэжыр. Лъэпкъ гъэщIэгъуэныщэщ ахэр. Абыхэм я кимонор флъагъумэ, ар гъуазджэм и Iыхьэ дахэу къэфлъытэнущ. ИкIи ахэр сыт щыгъуи къыпщогуфIыкI, нэгъуэщI лъэпкъхэм фIыуэ ябгъэдэлъыр зыхалъхьэну пылъщ, — къыщIегъу музыкантым. Темыркъан Юрэ зэрыжиIэмкIэ, японцхэм, псом хуэмыдэу, нэхъ яфIэфIыр Чайковский композиторыр, абы и IэдакъэщIэкIхэращ. АбыкIэ Темыркъанымрэ Япониемрэ я зэпыщIэныгъэр иухкъым. Музыкантыр Японием ирагъэблэгъагъэххэщ 2018 гъэм. ЖыIэпхъэщи, къэбэрдей журналист Хэгъэрей Джамилэ и «Юрий Темирканов. Монолог» тхылъыр японыбзэкIэ зэрадзэкI. Ар Темыркъан Юрэ теухуа япэ биографическэ тхылъщ. Ар зэхэгъэуващ музыкантым и интервьюхэмкIэ, жыIэгъуэхэмкIэ. Тхылъым хэтщ сурэт, дэфтэр гъэщIэгъуэнхэр. Апхуэдэщ, псалъэм папщIэ, Фиджеральд Эллэ, Бродский Иосиф Юрэ здащIыгъу сурэтхэр. Темыркъан Юрэ нагъыщэ 50-м щIигъу иIэщ, абыхэм ящыщ куэд хамэ къэралхэм деж къыщыхуагъэфэщащ. Источник: riakchr.ru
Петербург филармонием и художественнэ унафэщI Темыркъан Юрэ хуагъэфэщащ Японие къэралым и нагъыщэ нэхъ лъагэ дыдэхэм ящыщ зыр — «Орден Восходящего солнца». Маэстром зыкъызэримыусыжымкIэ, апхуэдэ гулъытэ ин къыхуащIыну и гугъакъым. ИкIи абы Япониер къэрал гъэщIэгъуэныщэу къелъытэ. Темыркъаным орден къыхуагъэфэщар Iэрагъэхьэжащ Санкт-Петербург деж. Сыту жыпIэмэ, Японием и хабзэхэмкIэ, апхуэдэ нагъыщэр зыхуагъэфэщам здратыжыр зыхуагъэфэщар зыщыпсэу щIыпIэм дежщ. Ди лъэпкъым къыхэкIа дирижёр цIэрыIуэм нагъыщэр къыхуигъэфэщащ Японием и Генеральнэ консулу Санкт-Петербург щыIэ Ямамура Ёсихиро. ЖыIэпхъэщ, Темыркъан Юрэ Японие къэралым кIуэрейуэ зэрыщытыр. Абдеж филармонием и симфоническэ оркестрым е япон гупхэм я гъусэу зыкъагъэлъагъуэ. Апхуэдэу, 2014 гъэм иужьрейуэ щыIа гастроль турым Токио, Иокогама, Нагое, Фукуоке, Осако къалэхэм деж концерт пэш инхэм цIыхухэр щIэзу къеблэгъащ. — Мы орденым сыщогуфIыкI. Мыпхуэдэ нагъыщэ лъагэр сыт хуэдэ музыкантымкIи гуапэщ. Ауэ сэркIэ гуапэ дыдэр Япониер фIыуэ зэрыслъагъурщ. Гулъытэ ин къысхуащIам теухуауэ фIыщIэ яхузощI императорым и мызакъуэу, музыкантхэми. Нагъыщэ къысхуагъэфащэхэр филармонием и окрестрми ехьэлIащ, — къыхигъэщащ Темыркъаным. КъинэмыщIауэ, Юрэ жиIащ Японием и щэнхабзэри и хабзэри зэрихъумэжыфар, ар «къэрал щхьэхуэу» къызэрынэр. — Псом хуэмыдэу, сэ сфIэфIщ, дауэ мыхъуами, японцхэр японцу къызэрынэжыр. Лъэпкъ гъэщIэгъуэныщэщ ахэр. Абыхэм я кимонор флъагъумэ, ар гъуазджэм и Iыхьэ дахэу къэфлъытэнущ. ИкIи ахэр сыт щыгъуи къыпщогуфIыкI, нэгъуэщI лъэпкъхэм фIыуэ ябгъэдэлъыр зыхалъхьэну пылъщ, — къыщIегъу музыкантым. Темыркъан Юрэ зэрыжиIэмкIэ, японцхэм, псом хуэмыдэу, нэхъ яфIэфIыр Чайковский композиторыр, абы и IэдакъэщIэкIхэращ. АбыкIэ Темыркъанымрэ Япониемрэ я зэпыщIэныгъэр иухкъым. Музыкантыр Японием ирагъэблэгъагъэххэщ 2018 гъэм. ЖыIэпхъэщи, къэбэрдей журналист Хэгъэрей Джамилэ и «Юрий Темирканов. Монолог» тхылъыр японыбзэкIэ зэрадзэкI. Ар Темыркъан Юрэ теухуа япэ биографическэ тхылъщ. Ар зэхэгъэуващ музыкантым и интервьюхэмкIэ, жыIэгъуэхэмкIэ. Тхылъым хэтщ сурэт, дэфтэр гъэщIэгъуэнхэр. Апхуэдэщ, псалъэм папщIэ, Фиджеральд Эллэ, Бродский Иосиф Юрэ здащIыгъу сурэтхэр. Темыркъан Юрэ нагъыщэ 50-м щIигъу иIэщ, абыхэм ящыщ куэд хамэ къэралхэм деж къыщыхуагъэфэщащ. Источник: riakchr.ru
Получайте свежие новости на электронную почту
Комментарии