СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ

ЯНЪЫ ОКУВ КУЛЛАНМАСЫ АЬЗИРЛ ЕНЕДИ

25.07.2016 1136
ЯНЪЫ ОКУВ КУЛЛАНМАСЫ АЬЗИРЛ ЕНЕДИ

Янъыларда Правительство уьйининъ кишкей йыйылыслар залында КЧР билимлендируьв эм илми министри Инна Кравченко ведомстволар ара исши куьптинъ кезуьвли йыйылысын озгарды. Ол «Карашай-Шеркеш Республикасынынъ халкларынынъ тарыйхы эм маданияты» деп аталган 10-11 класслардынъ окувшылары уьшин окув кулланмасынынъ колязбасын аьзирлев бойынша тамамларды билдируьвге багысланган эди.

Инна Владимировнадынъ белгилегенинше, бу кулланмады аьзирлев бойынша куллыклар Карашай-Шеркеш Республикасынынъ Басшысынынъ борышларын заманлыша толтырувшы Рашид Темрезовтынъ тапшырувы ман бардырыладылар. КЧР билимлендируьв эм илми министерствосында Карашай-Шеркеш халкларынынъ тарыйхы эм маданияты бойынша окув кулланмады аьзирлев эм баспалав бойынша ведомстволар ара исши куьп туьзилген.

Билимлендируьв тармагынынъ куллыкшыларынынъ усталыгын оьстируьв республикалык институты окув кулланмадынъ программасын туьзген, гуманитарлык тергевлер институты онынъ колязбасын аьзирлеген.

Амалламада Карашай-Шеркеш гуманитарлык тергевлер институтынынъ директорынынъ борышларын толтырувшы Наталья Кратова, институттынъ КЧР халклар тарыйхы боьлигининъ басшысы Михаил Тхайцухов, КЧР халклар этнографиясы боьлигининъ басшысы Заида Зинеева окув кулланмадынъ аьзирленуьви эм иштелиги бойынша доклад окыдылар.

Йыйылыста «Карашай-Шеркеш халкларынынъ тарыйхы эм маданияты» деген окув кулланмадынъ колязбасын тергеген сонъ, оны туьзетуьвге РАН институтына йибермеге токтас алынды. Туьзетилуьвден сонъ, окув кулланмасынынъ колязбасы ямагатшылыктынъ тергелуьвине шыгарылаяк.

1136 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный