ХIреспублика йтыцIта Апсны йаъаз агвып йалан Къарча-Черкес Республика а-Хъада ТЕМРЕЗОВ Рашид, Къарча-Черкес Республика АуагIа Айззара (а-Парламент) а-Председатель ИВАНОВ Александр, Къарча-Черкес а-Хъада йгьи а-Правительства р-Администрация аунашвачпагIв САЛПАГАРОВ Эльдар, РФ а-Федеральна Айззара а-Федерация а-Совет йалу АРАШЫКЪВА Рауф, Къарча-Черкес Республика а-Правительства а-Председатель йзаместитель УАЗ Мурат, Черкесск город амэр ТАМБИ Руслан.
ХIреспублика ащтийыгIвчва Апсны а-Президент Хаджимба Рауль йынйатI.
– Швабыжта йсгвапата Апсны чIвыла апны сальам гвапа швасхитI.Швари хIари хIадызкIылуа ахацква щардапI. ХIайгвара, хIайщчвара, хIмамыр ащтаныкъвара хIрыбагъьара ахъазла йхIылшахьазгьи гьмачIым. ХIапхъахьылагьи аэкономика йгьи агуманитар азазаъащаква ртшауацIыхра хIазынхарныс стахъыпI,– йхIватI Апсны р-Президент.
Къарча-Черкес Республика а-Хъада Темрезов Рашид пхата йгIарпылыз Хаджимба Рауль аразыра ажваква йзынайырхатI йгьи Апсны а-Хъахвитри АйгIайра ры-Мшли дйайхIвахIвтI. Ауи йшгIаликIгIазла, агIвытланыкъвакI ращтаныкъвара ареспубликаква рсоциальна-экономика аъаща рыбагъьарала уыс бзи архъйуштI.
Къарча-Черкес Республика а-Хъада Темрезов Рашид Пицунда йаныргIалу арпхарта йгьи СогIвым апны чагIыр ъагIацIырщтуа азавод даъан. Апсны йгьи Къарча-Черкес Республика рунашвачпагIвчва кыт млыкврхIарала йгьи гIархарджьра промышленностьла ашвапхаква рамдара хIапхъахьылагьи йшашIадымрысуаш гIалыркIгIатI.
Комментарии