ЙцIыхъвахауа асквшква руацIала афедеральна къральыгIва джыпха
(ФГОС) апкъ йтата апхьартаква рпны уыс щарда адыргалитI.
Абаза муниципальна
район арыпхьарали культурали а-УнашвахъцIарта ргIаджвыквцIарала Къарапагва йтагылу арыпхьара Квта апны географияла арыпхьагIвчва
рсеминар акIвшатI. Ауи
Абаза районла йаныргIалу апхьартаква рдиректорква, гIзара-бжьарала
ауат рзаместительква
алан.
Асасчва ргватра гIвапхьара сахIаткI йырзынадырхатI. Йхвбахауа класс
апхьагIвчва «Солнечная
система» темала шIыцрата йддырдырыз гьмачIым.
Ауат агеография карта
шгIаргвынгIвуа гIадырбатI,
йапшым азцIгIараква джьауап рырттI, апхьага йадынхалтI, датшагьи уыс джьащахъва щарда йрыхадзатI.
Й-9-хауа акласс апхьагIвчва хIшIыпIаква рылкIгIараква, Лермонтов Михаил йыршIыйара апны
КIавкIаз гылартата йаму
йрыквчважватI. АпхьагIвчва швабыж гврыхвата
тшгIадырбатI. Асеминар
йалаз апхьагIвчва рхъвыцща, рацынхаща уарыразуата йшаъу гIалыркIгIатI.
АрыпхьагIвчва ауи
атшын ръачIвагIа азъазара абгата йгIахъыртIытI, уыжвгIанчIви апхьара сахIат аъазлара шатахъу йгьи йапшым аметодика амальква шрызгIарысабапуа гIадырбатI.
Ауи атшын «Сара с-Псадгьыл бзи йызбитI» ахьызта йакIвшаз бжьара нархара змаз апхьара сахIатгьи швабыжта йджьащахъвахатI.
АрыпхьагIвчва йацшIакIта йшгIалыркIгIазла,
йхътIу апхьара сахIатква
ракIвыршара сабапра ду
рылапI. Ауат рагIан арыпхьагIвчва нхарала йдырхIаз ашвапха амырдарныс рылшитI.
Получайте свежие новости на электронную почту
Комментарии