Къарачай-Черкесияны орус тилден эмда ал башланнган класслада окъутхан устазлары Псков областда билимлерин ёсдюргендиле.
Орус тил бла ал башланнган классланы устазларындан 12 адам сентябрны 5-ден 9-на дери Псковда кърал университетни базасында билимлерин ёсдюрюрге мадар табхандыла. Орус тилни терен билиуге аны бла бирге ал башланнган класслада окъугъанланы не къадар билимли этиуге джораланнганды бу иш, кеси да 2016-чы – 2020-чы джыллада орус тилни кърал тилнича хайырландырыуну магъанасын ёсдюрюрге аталгъан программаны тамалында бардырылгъанды.
Билимлерин ёсдюрюб къайтхан устазла алгъан сынамларындан, кёрген затларындан Къарачай-Черкесияны устазларына хапар айтырыкъдыла. Аны кибик кёб турмай бизни республикагъа Псков областдан 10 устаз келликди. Ала КъЧР-ни шахарлары бла районларында устазлагъа кеслерини иш сынамларын берликдиле.
Комментарии