Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

УЛЛУ СЫНАУДАН БЮГЮЛМЕЙ ЁТГЕНДИ

12.11.2018 571
УЛЛУ СЫНАУДАН БЮГЮЛМЕЙ ЁТГЕНДИ

Багъалы джердешле!

1943-чю джылны абыстол (ноябрь) айыны 2-си къарачай халкъ бла бютеу Къарачай-Черкесияны джашауларында къара кюнлени бириди. 75 джылны мындан алгъа, терсликлери болмагъанлай, мингле бла къарачай юйдегиле, джалгъан терслеуле салыныб, туугъан джерлеринден Орта Азия бла Къазахстаннга кёчюрюлгендиле. Ол халкъны юсюнде зулмулукъ алай бла башланыб, 14 джылны баргъанды.

Ол заманда джуртларындан къысталыргъа буюрулгъанладан  кишиге да кечим салынмагъанды. Эркишилери Ата джуртлары ючюн къазауатда къан тёгюб айланнган заманда аланы сабийлерин, къартларын, тиширыуларын киши джерлеге ашыргъандыла.

Ала анда онтёрт джылны узагъына ачлыкъны-джаланнгачлыкъны, аурууланы къыйынлыкъларын да  сынагъандыла. Ауур ишледе да ишлегендиле, адамлыкъ сыйларын тюшюрген сёзлени да эшитгендиле. Сыннган, бюгюлген а этмегендиле. Алай бла къарачайлыла, сынауланы не къыйынларын да онглаб, ары дериден да бек бирикгендиле, алгъындан да кючлю болгъандыла. Аны себебинден тиллерин, адетлерин, адеблерин да сакълагъандыла.  Ёзге, кими къазауатда ёлюб,  кими, табхан затчыгъын сабийине бериб, кеси ач къала, ауур ишледе ишлей, кими, баргъан джерини хауасы, сууу джарашмай топуракъ юлюшюн киши джуртлада табыб, халкъгъа уллу къоранч да тюшгенди. Алай а атын  махтау бла айтдырыб тургъанды.  Миллетни атын сый бла айтдыргъан адамла  бюгюн да халкъны эсинде-джюрегинде джашайдыла, аны къыйын, алай а махтаулу тарихинде ёмюрлюкге да къаллыкъдыла.

Багъалы джердешле! Бюгюн биз кимден да алгъа халкъны абадан тёлюсюню ол къыйынлыкъланы кёрген, сынагъан келечилерине таза джюрекден кючлю сюек саулукъ, ашхылыкъла, Къарачай-Черкес Республиканы хар юйдегисине - барыбызгъа да – рахатлыкъ, насыб, джетишимле теджейбиз! Быллай къыйынлыкъла бизни энди бир заманда да джокъламасынла!

Къарачай-Черкес Республиканы Башчысы Темрезланы Рашид 

Къарачай-Черкес Республиканы Халкъ

Джыйылыууну (Парламентини) Председатели Иванов Александр

    Къарачай-Черкес Республиканы Правительствосуну Председатели Озов Аслан.

 
571 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный