Россия апны асквш 2011
угIалагата «Бессмертный
полк» мгIвайсра цIасхатI.
Ауи апш мгIвайсра СССР
йалаз ареспубликаква,
йхъару агIвымакъральква
рпынгьи йакIвшитI. СынчIва йхвынхауата Къарча-Черкес аквта апынгьи
«Бессмертный полк» гIамгIвайстI.
Абашта айсра Ду апны АйгIайра йахъыцIуа
асквш 74 дыртлапIауата
Черкесск апны асахIат а 13
угIалагата агород аквта
урамла «Бессмертный
полк» мгIвайсра джвыквылтI. ЙгIалкIгIара атахъыпI ауи йгIалалуа ансисквша йшрылахIауа.
ХIреспублика квта апны
зкьы гIважвагIв раъара
айсра йпшцIаз рабачва,
рабадучва, атыл апны
айгIайра йазынхуз рсуратква рнапIыцIакIта йгIамгIвайстI. Ауат рыуа дзачIвызлакIгьи зсурат рымаз дшайсыз, айсра гIвагваната йгIамидаз, айгIайра ахъазла йкъару
дшамайгьдзаз шгIауархIвуаш ажва гьалам.
ЦIаста йшалыз апшта,
хIреспублика аунашвачпагIвчва «Бессмертный
полк» мгIвайсра йапхъахауа асатырква йрылан.
Ауат дасузлакIгьи рфырква рсуратква рыман.
КЧР а-Хъада Темрезов
Рашид йтгIачвагьи йыцта
амгIвайсра йацикIтI, ауи
йсабиква раба йабадучва рсуратква рнапIыцIакIын – Темрезов Хамит
ХIамзат йпа, Коркмазов
ДжьагIафар Ахмат йпа,
Фетисов Илья Антон
йпа. ХIреспублика а-Хъада йшгIаликIгIазла, «Бессмертный полк» абанпараква ацIасква шамырдауа йаквшахIатпI.
Черкесск апны «Бессмертный полк» мгIвайсра
дгIалалтI СКФО-ла РФ а-Президент йгIащтийыгIв йзаместитель Бабушкин Игорь.
«Бессмертный полк»
акция йалаз АйгIайра
парк а-Фырква р-Аллеядза йымгIвайстI, АйгIайра гIатызгаз квырмыш
рзырчпауата «Огонь Вечной Славы» йгьи Абашта
айсра Ду йпшцIата йгIахънымхIвыхыз айсыгIвчва
рчвахъабагаква рпны
ахIврапшдзаква щтIарцIатI.
ЙцIасхаз «Бессмертный
полк» мгIвайсра хIреспубликала сынчIва йацызкIыз зыкь 75-гIв йрайхIапI, хIапхъахьыла ауат
рыцIагьи йшщардагIвызлуш кьангьашра гьалам.
Получайте свежие новости на электронную почту
Комментарии