ТЕМРЕЗОВ РАШИД: «АУАСАРАЖВ АЖВАКВАЛА ЙГIАДЗЫНГЫЛУА ХIЗЫБЖЬУШТI»

ХIреспублика апны ауагIахъа бызшваквала саби журналта пщба гIацIцIитI. ЗымгIва йрапхъата асквш 1993 йгIашIарышвта «Марамыз» («Созвездие») аба за саби журнал гIацIцIтI. Ажурнал зысквш йгIацIцIыз йгIашIарышвта даредактор хъадапI Россия агIвгIвчва р-Союз йалу Къвапсыргьан Валентина. Асквш 1997 агIан акъарча саби журнал «Илячин» («Сокол» )йапхъахауа аномер гIацIцIтI. Ауи даредак тор хъадапI Салпагарова Кулина. Ачеркес саби журнал "Лэгъупыкъу" ("Радуга") асквш 2001 угIалагата йгIацIцIитI. Ауи даредактор хъадапI Россия агIвгIвчва р-Союз йалу Шора АхIмад. Асквш 2002 август агIан «Маьметекей» («Одуванчик») нагIвай саби журнал йапхъахауа аномер гIацIцIтI. Ажурнал гIанйыршатI йгьи даредактор хъа дата дынхатI КЧР ауагIа руысагIв, йбергьльыз асаби гIвгIвы Киреев Аскьарби. УахьчIвала ажурнал даре дактор хъадапI Россия ажурналистква р-Союз йалуНайманов Асан. Ажурналква йгIарыншвалуа агIвыраква цри быз швала йгьи урышв бызшвала йгIвыпI. Ауат рнапаква рпны дара ахвыцква йыргIвыз асуратква, йахIбу аклассква ркъальам йгIацIцIуа ауысаква гIарыншвалитI. Ажурналква сквшыкI апны пщын йгIацIцIитI, ртиражквала йгьапшым – 1100 угIалагата 2500-дза. УагIахъа бызшвала йгIацIцIуа асаби журналква абызшва ахчарала рмагIны шдуу гIайгвынгIвуата КЧР а-Хъада Темрезов Рашид ауат йырзалырхуа ахча сынчIва сом зыкь 300-ла йаладырхIарныс ща квыргылра найахвтI. Йшбергьльу апшта, Темрезов Рашид й Унашва ла асквш 2015 ацри бызшва йаСквшызлуштI. ХIрес публика а-Хъада заман айшысла урышв бызшвала саби журнал гIацIырщтырныс ауагIахъа уысквала, ажвлара коммуникацияквала йгьи печатьла а-Ми нистерства йгьи аурышв газет аредакция йрыхъвдаквицIатI. "АуагIахъа бызшваква рбайарала йгьи ауагIахъа бызшвала йгIву аклассика йалу ауасаражв ажва квала йгIадзынгылуа абанпараква хIзыбжьуштI", - йхIватI Темрезов Рашид. Россияла алитература а-Сквш йгьи КЧР-ла ацри бызшва а-Сквш руацIа йдырхъйуш ахачIвква гьма-чIым, ауат йрыуапI ахвыцква йырзалху агIвыракви агIацIщтракви рыщардарагьи. Источник: riakchr.ru