СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ТЕМРЕЗОВ РАШИД: «АСОЦИАЛЬНА ЦХЪРАГIАРАКВА ЙРЫЛАХIУШТI»

01.03.2019 277
ТЕМРЕЗОВ РАШИД: «АСОЦИАЛЬНА ЦХЪРАГIАРАКВА ЙРЫЛАХIУШТI»
ЙшцIасхаз апшта, Россия Федерация а-Президент ПУТИН Владимир сынчIвагьи РФ а-Федеральна Айззара йрызцауа й-Тшазынархара дгIапхьатI. Ауи йазынархаз айззара КъарчаЧеркес ахьызла йалан КЧР а-Хъада ТЕМРЕЗОВ Рашид йгьи ауи йыцыз агвып. ЙанакIвызлакIгьи апшта, ари азынгьи Россия а-Президент й-Тшазынархара хъадата йыззынархаз агIвычIвгIвыс йгIальаматраква, дзачIвызлакIгьи йбзазара агъьчIврала амальква рлыхра акIвпI. – ХIкъраль аунашвачпагIв дызквгIашIамсыз нархаракIгьи гьаъам, зымгIвагьи магIын ду рзибауата дгIарыквчважватI. Гватра ду азалихтI адемография агъьчIвра, саби зму атгIачваква йрыцкIра. АуагIахъа проектква рыпкъ йтата йырхъйачIву ауысква йырхъазымкIва атгIачваква ргвышхварала датшагьи ахачIвква гIаликIгIатI. Ауат йрыуапI ахча цхърагIараква, аналог льготква йрылархIара, саби зщарду атгIачваква рипотека хъгIвахра, асабигIзартакви апхьартакви руыхвара. ХIара хIыштаква рпны социальна нхартата йхIуыхвуш, аинфраструктурала йчпачIву, саби зму атгIачваква къральыгIва цхърагIарата йырзалхчIву йалыргата йыгIдыритI. Россия а-Президент йгIашIипхьадзаз ахачIвквала дгьгIашIамстI, йшгIаликIгIазла, анри асабихъи йрыцкIрала амальква афедеральна йгьи ашIыпIа власть органква йрыладырхIуштI. Йара ауаса азгIвадарахчара, арыпхьара, аэкология агъьчIврала, агIвнабзазарта-коммунальна млыкврхIара гIаршIыцхрала ужвыгьи амальква нарахвуаштI. Путин Владимир йажва далгауата афедеральна, арегиональна власть органква, ашIыпIа хъаунашвахъцIара органква йгьи ажвлара организацияква рхачIвы шазакIу гIаргвынгIвра, йацынхара шатахъу гIаликIгIатI. ХIкъраль аунашвачпагIв йгIахIыхъвдаквицIаз ахачIвква зымгIвагьи йхIмырхъйакIва йамуаш уыспI, – йхIватI Темрезов Рашид РФ а-Президент Путин Владимир й-Тшазынархара даквгIашIасуата. РФ а-Федеральна Айззара йазцауа Россия а-Президент й-Тшазынархара апны йгIалкIгIу ахачIв хъадаква: АСОЦИАЛЬНА УЫСКВА РПНЫ – Асквш 2024 йадахIвуата сабита йгIадриуала абзазагIвчва йрылархIара; – Асабиква рыхъазла ахча гIапшцIызгауа атгIачваква йрылархIара; – Саби зму атгIачваква рыхъазла ипотека кредит ъадзаршвауа апIатла аурала альготква рзалхра (йапхъахауа асквшква рагIан акIвымкIва); – Асаби ныкъвадыкъваква, йшсабийыз йныкъвадыкъвахата аныкъвадыкъварала йапхъахауа агвып йаланакIуа рхьпшра ахъазла ахча гIванла йалархIара; – Адгьыл аналог 10 проценткI йайхIата йаламхIауата йщаквыргылра; – ХгIвы йгьи йайхIата саби зму рыхъазла аипотека кредит хъгIвахра ахъазла афедеральна бюджет йауата сом зыкь 450 рзалхра, йатымпауа амлыкв йаквшвауа аналог ахъазла альготква йрылархIара, цсоткакI йнадзауа адгьыл ахъазла налог рымшвауата йщаквыргылра; – Апенсияква йгьи мзигIадза йрыртуа ахча риндексация апенсионер рыцIа ймачIта йгIайтахъхауа гIазтныцIуа ахча ацкIыс йайхIазлара атахъыпI; – АрыцхIара абакIра гватра азалхра, зхъахIара мачIу атгIачваква рыхъазла социальна ангIалрала аргIапсща йазцауа аштаква йрыцкIра; – Микрокредитованиела арынок апны хабза щаквыргылра; – ЗхъахIара зчвыдзыз рыхъазла «ипотека тшпсщара» щаквыргылра; – ХъатачIв гIвнабзазарта зуыхвауа йрыцкIрала программа лыхра; – «Земский доктор» программа ныбыжьла йахъцамкIва йаланаркIра, айъазагIвчва сом мильуанкI, афельдшерква сом зыкь 500 рзалхра; – «Земский учитель» программа лыхра; – АнцIра ахъазла йшварагIвару азгIва гIазахвыз йырзынарху хабза нахвра; – Йаргвану ацысквша руацIала онкология згIваква рабакIра сом триллионкI йайцIамкIва йазалхра; – Апхьартаква рпны адзыли арпхарали йаъу абаргвыраква гIвысквшала йрыдзра; – Амедицина йгьи арыпхьара нхартаква рхъахIара ахъазла аналог льгота пIатла амамкIва йщаквыргылра (ауи апш льгота аъапI, ауаса асквш 2020 апIатла тыцIитI); – АкъральыгIва йгьи амуниципалитет йахъатачIвырахауа социальна нхарта зуыхвауа ахъахIара йаквшвауа аналог йгьи НДС рымшвауата йчпара; – ГIвысквшала агород апны йаъу нышвкъваракIапсарта пхатшата 30 хъгIвахра йгьи адгьыл адынхалра, цысквша руацIала – йгIанхахыз зымгIва. Апромышленна нхартаква аэкология зарарта йадрадзауа ахъазла рджьауап йалыргата йщаквыргылра йгьи сынчIва агIапын РФ а-КъральыгIва Дума асессия апны зарар злу пкъыгIвата ахIауа йалажь ауашла аквотаквала хабза нахвра; – Йцкьу аэкология пкъыгIвала йхчу бренд гIаныршара; – АкъральыгIва компанияква ахвгIахвтраква рагIан россия архарджьыгIвчва хъгалра рзалхра; – УагIахъа космическа квта гIаныршара йгьи аспутник гвыпква рылшараква йрылархIара. АБИЗНЕС АПНЫ – Йцкьу абизнес «астатья йацIазлара» гьатахъым. Аэкономика уысквала ащтанкъвцара апIатла йызнымкIва йдраура йгьи экономика хабзамыгIвхъгара нзыршата йызквдырпшуа заманкIла йтарчIвара ахъазла ашвхIаусыгIваква йрылырдзгIара; – Асквш 2021 йгIашIарышвта рхъвыхрали хъпшылрали йщаквгылу ахабзаква рыдзра, ауаъадза ахабза шIыцква лыхра; – Абизнес йазарархауа рхабар ъагIаншвалуаш цифра платформа гIаныршара; – Ахабзаква зымгIвагьи атехнология шIыцква йрыквыргIапсра, ацифра экономикала хабза ласыта йлыхра.
277 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный